PSM
ވިކްޓަރީގެ ކޯޗުކަން މޯހަން އަށް
ވިކްޓަރީ ސްޕޯޓްސް ކުލަބުގެ ކޯޗުކަން ގައުމީ ފުޓްބޯޅަ ޓީމުގެ ކުރީގެ ކޯޗު މުހައްމަދު ޝިޔާޒް (މޯހަން) އަށް ދީފި އެވެ. ރާއްޖޭގެ އެންމެ ކާމިޔާބު އެއް ކުލަބުން ބުނީ މޯހަން ކޯޗުކަމަށް ގެނައީ އަންނަ ސީޒަނުގެ ނިޔަލަށް ކަމަށެވެ. މިހެންވެ ކުރިއަށް އޮތް އެފްއޭކަޕުގައި ކޯޗުކަން ކުރާނީ ވެސް އޭނާ ކަމަށެވެ. ފަސް އަހަރަށް ފަހު މި އަހަރު ފުރަތަމަ ޑިވިޝަނުގައި ވާދަކުރަން ފެށި ވިކްޓަރީގެ ކޯޗަކަށް މި އަހަރު މިހާތަނަށް ހުރީ ހަންގޭރީގެ ކޯޗެއް ކަމަށްވާ ގެލާ އެވެ. އޭނާގެ ކޮންޓްރެކްޓް މިހާރު ވަނީ ހަމަވެފަ އެވެ.