ހުޅުމާލެ ފޭސް 2 ގައި ހުންނަ ސްޓެލްކޯގެ ފްލެޓެއްގެ މަތިން ކުޑަ ކުއްޖަކު ވެއްޓި ނިޔާވެއްޖެއެވެ.
މައުލޫމާތު ލިބިފައިވާ ގޮތުގައި ނިޔާވެފައިވަނީ އުމުރުން 2 އަހަރުގެ ކުޑަ ކުއްޖެކެވެ. ކުއްޖާ ވެއްޓިފައިވަނީ މިއަދު މެންދުރު 12:40 ހާއިރުއެވެ. ކުއްޖާ ހުޅުމާލެ ހޮސްޕިޓަލަށް ގެނައިއިރުވެސް އޮތީ ނިޔާވެފައިކަމަށް ހޮސްޕިޓަލުން ބުނެއެވެ.
އެސަރަހައްދުގައި ފުލުހުން އަންނަނީ ހަރަކާތްތެރިވަމުންނެވެ.
ފްލެޓަކުން ކުއްޖަކު ވެއްޓި ނިޔާވިއިރު އިއްޔެވެސް ވަނީ ފްލެޓަކުން ކުއްޖަކު ވެއްޓިފައެވެ. އެކުއްޖާއަށް އައިޖީއެމްއެޗްގައި އަންނަނީ ފަރުވާދެމުންނެވެ.