ޑްރޯން ގަންނަން ރާއްޖެއަށް 1 މަސްދުވަހުގެ ތެޔޮ ގެންނަން ދާހާ ފައިސާ ދިޔަ ކަމަށް އެސްޓީއޯގެ ކުރީގެ މެނޭޖިން ޑިރެކްޓަރު، ހުސައިން އަމްރު ވިދާޅުވެއްޖެ އެވެ.
މިރޭ ކުރިއަށް ގެންގޮސްފައިވާ ޑޮލަރު ސައްލާ ޕެނަލް ޑިސްކަޝަން ގައި ވާހަކަދައްކަވަމުން އަމްރު ވިދާޅުވީ، މި ސަރުކާރުން، ވެރިކަމާ ހަވާލުވުމަށް ފަހު ފުރަތަމަވެސް ގަތީ ޑްރޯން ކަމަށެވެ. އަދި ޑްރޯން ގަންނަން ރާއްޖެއަށް 1 މަސްދުވަހުގެ ތެޔޮ ގެންނަން ކުރާހާ ފައިސާ، ނުވަތަ 50 މިލިއަން ޑޮލަރު ދިޔަ ކަމަށް އަމްރު ވަނީ ވިދާޅުވެފަ އެވެ.
އަމްރު ވިދާޅުވީ، އެއީ ކީއްކުރަން ގަތް ޑްރޯން ތަކެއް ކަންވެސް ސަރުކާރުން ހާމަކޮށްފައި ނުވާ ކަމަށެވެ.
އަމްރު ވަނީ ސަރުކާރުން ކުރިއަށްގެންދާ ރަސްމާލެ މަޝްރޫއަށް ރިއާޔަތްކޮށް، ސީދާ ކަނޑަށް ފައިސާ އަޅަމުންދާ ކަމަށް ތުހުމަތު ކުރައްވާފަ އެވެ. އަދި ބަޔަކަށް ގެދޮރުވެރިކަން ފޯރުކޮށްދޭން ބޭނުން ނަމަ ހުޅުމާލޭގައިވެސް މާލޭގައިވެސް ހުސް ބިންތައް އެބަހުރި ކަމަށް އަމްރު ވިދާޅުވި އެވެ.
އަމްރު އިތުރަށް ވިދާޅުވީ އެއީ ރާއްޖޭގެ އެއް އަހަރުގެ ބަޖެޓު އޮތް ގޮތަށް ކަމަށެވެ.