ޕީސީބީން ރައިޓް ސައިޒް ކުރަނީއޭ ބުނެ 14،733 މީހުން ނަގައި މަގު މައްޗަށް އެއްލާލާއިރު އެދައްކަނީ ކުޑަކަމެއްގެ ވާހަކަ ނޫން ކަމަށް ކުރީގެ އިކޮނޮމިކް މިނިސްޓަރު ފައްޔާޒު އިސްމާއީލް މިއަދު ވިދާޅުވެއްޖެއެވެ.
މިއަދު އެމްޑީޕީން ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން ފައްޔާޒު ވިދާޅުވީ، ރައިޓް ސައިޒް ކުރާއިރު އުފެދޭ އެންމެ ބޮޑު ސުވާލަކީ މިކަމުން ކުރާނެ ބޮޑު އަސަރު ކަމަށެވެ.
ފައްޔާޒު ވިދާޅުވީ، މިއަދު ކުރީ ސަރުކާރޭ ކިޔާ މުޅި ގައުމު ފުނޑުފުނޑުވެގެން ދާކަމަށާއި ގައުމުގެ އިގްތިސާދު އެއްކޮށް 30 އަހަރު ފަހަތަށް ގޮސްފައިވާ ކަމަށެވެ. އާންމު ރަތްޔިތުންނަށް މިހާ ބޮޑު ނިކަމެތިކަމެއް އައި ޒަމާނެއް ހަނދާނެއް ނެތް ކަމަށް އޭނާ ވިދާޅުވިއެވެ. އަދި އިތުރަށް މިދަނީ އެތައް އާއިލަތަކެއް އަނިޔާއާ ދިމާލަށްކަން ފައްޔާޒު ފާހަގަކުރެއްވިއެވެ.
ކޮވިޑްގެ ޕެންޑެމިކްގެ ތެރޭގައި އެމްޑީޕީ ސަރުކާރުން 22،945 މީހުން ބެލެހެއްޓިކަމަށް ފައްޔާޒު ވިދާޅުވިއެވެ. ވަޒީފާ ގެއްލިގެން ދިޔަ މީހުންނަށް އެމްޑީޕީ ސަރުކާރުން ވަރަށް ހާމަކަން ބޮޑު ޕްރޮގްރާމެއް ހިންގި ކަމަށާއި ރައްޔިތުންނަށް އެކަން ސާފުކޮށްދިންކަމަށް ފައްޔާޒު ވިދާޅުވިއެވެ.
އެސްއޯއީތަކުން 14،733 މީހުން ވަކިކުރާއިރު ފައްޔާޒު ވަނީ ޕީސީބީއިން ރައިޓް ސައިޒް ރޯގް ސައިޒްއަށް ދިޔައީ ކީއްވެގެންތޯ ސުވާލު އުފައްދަވާފައެވެ. ނަންބަރު ތަކަށް ބަލާލުމުން އިނގެނީ ރައިޓް ސައިޒް ކުރަމުން ދަނީ އެމްޑީޕީގެ ސަރުކާރު ނިމުނުއިރު ހުރި އަދަދަށް ކަން އޭނާ ފާހަގަކުރެއްވިއެވެ.
އެހެންނަމަވެސް އޭރު ވާހަކަ ދައްކަމުން އައީ އެމްޑީޕީ ސަރުކާރުގައި ގިނަ ބަޔަކަށް ވަޒީފާ ދިންކަމަށް ބުނެކަން ފައްޔާޒު ފާހަގަކުރެއްވިއެވެ.