މަސައްކަތް ތެރިންގެ ހައްގުތައް ވަޒަން މި ކުރަނީ ގައުމީ ސަލާމަތަށް ހުރި ނުރައްކަލެއްގެގޮތުގަ ކަމަށް ކެންދޫ ދާއިރާގެ މެންބަރު މައުރޫފް ޒާކިރް ވިދާޅުވެއްޖެއެވެ.
މައުރޫފް މިހެން ވިދާޅުވީ، ސަރުކާރު ކުންފުނިތަކުން މުވައްޒަފުން މަދުކުރުމުގެ ނަމުގައި ސިޔާސީ ގޮތުން އެތައް ބަޔަކު ވަޒީފާއިން ވަކިކުރަމުންދާކަމަަށް ވިދާޅުވެ، މަޖިލީހަށް އޭނާ ހުށައެޅުއްވި ޤަރާރަށް ބަހުސްކުރައްވަމުންނެވެ.
ގަރާރު ހުށަހަޅުއްވަމުން މެންބަރު ވިދާޅުވީ، މަސައްކަތް ތެރިންގެ ހައްގުތަކާއި ގުޅުން ހުރި ކަންތައް ބެލެހެއްޓުންވެސް ހާލުކޮށްފައިވަނީ ހޯމްލޭންޑް އެންޑް ސެކިއުރިޓީއާ ކަމަށާ އެ މިނިސްޓްރީގެ ދަށަށް މަސައްކަތްތެރިންގެ ހައްގުތައް ހަވާލު ކުރެވުނު ހިސާބުން މަސައްކަތްތެރިން އޮބަހެއްޓުމާއި މަސައްކަތްތެރިން ވަޒީފާއިން ވަކިވުމަށް މަޖުބޫރު ކުރުން އިންތިހާއަށް އިތުރުވެފއިވާ ކަމަށެވެ.
މިނިސްޓްރީގައި ހިނގާ ކަންކަމުގެ ވާނުވާ ވަޒީރަށް އެނގިވަޑައި ނުގަންނަވާތީ އެކަން އަންގާލަދިނީކަން ފާހަގަކުރައްވާ މައުރޫފް ވިދާޅުވީ ވެރިކަމަށް އައުމަށްޓަކައި މަސައްކަތް ތެރިންގެ ހައްގުގެ ވާހަކަ މިހާރުގެ ސަރުކާރުން، އަދި ހާއްސަކޮށް ރައީސް ޑރ. މުއިއްޒު ދެއްކެވި ކަމަށެވެ.
މި ގޮތަށް އެކަން ނުކުރުމަށް އެދި މެންބަރު ވިދާޅުވީ، ދިވެހި ރާއްޖޭގެ ކުންފިތަކުގައި މަސައްކަތް ކުރާ މަސައްކަތް ތެރިން ވަޒީފައި ވަކި ކުރާނެ ފުރުސަތު ނުދޭނެ ކަމަށެވެ. ރަށްރަށުގައި ކުންފުނިތަކުގައި މަސައްކަތް ކުރާ މަސައްކަތްތެރިންގެ ޔޫނިއަނެއް ހެދުމަށް މެންބަރު ވަނީ ގޮވާލައްވާފައެވެ. ޔޫނިއަންތައް ހަދާ މަސައްކަތްތެރިންނަށް ސަރުކާރަށް އަދި މަސައްކަތްތެރިންގެ ވެރިންނަށް މަސައްކަތްތެރިންނާއި މެދު ފިޔަވަޅު ނޭޅޭ ވަރަށް ކަންކަން ބައްޓަން ކުރުމަށް މެންބަރު ވަނީ އެދިވަޑައިގެންފައެވެ.