ރާއްޖެ އޮތީ ހަމަޖެހުމުގެ ނޭވާ އަކާ ހަމައަށް ގެނެވިފަ ކަމަށް ވިޔަފާރީގެ ތަރައްގީއާއި ދަތުރުފަތުރާ ބެހޭ ވަޒީރު މުހައްމަދު ސައީދު ވިދާޅުވެއްޖެ އެވެ.
މަރަދޫ ދާއިރާގެ މެމްބަރު އަހްމަދުދީދީ ކުރެއްވި ސުވާލަކަށް ޖަވާބުދެއްވަމުން ސައިދު ވިދާޅުވީ 2 އަހަރު ތެރޭގައި މި ސަރުކާރުން ރާއްޖެ އޮތް ހިސާބުން ނުރައްކާތެރި ކަމުގެ ތެރެއިން ބޭރަށް ނެރެ، ރާއްޖެ އޮތީ ހަމަޖެހުމުގެ ނޭވާ އަކާ ހަމައަށް ގެނެވިފަ ކަމަށެވެ.
މީގެ އިތުރުން ސައިދު ވިދާޅުވީ 20 ވަނަ މަޖިލީސް ސަރުކާރު ހިންގާ ޕާޓީ، ޕީއެންސީ އަށް ލިބުނު ކަމަކީ ނަސީބެއް ކަމަށެވެ. އެހެން ނޫންނަމަ ރާއްޖެ ބަނގުރޫޓުވެފަ އޮތުން އެކަށީގެންވާ ކަމަށްވެސް އޭނާ ވަނީ ވިދާޅުވެފަ އެވެ.
ސައީދު ވިދާޅުވީ 1.2 ބިލިއަން ޑޮލަރުގެ ދަރަނި 2 އަހަރު ތެރޭގައި ދެއްކީ ރާއްޖެ ބަނގުރޫޓު ނުވެ ކަމަށެވެ.
ސައީދު އިތުރަށް ވިދާޅުވީ ރާއްޖޭގެ ރޭޓިން ކުރި އަރާފައި ވަނީ ކެތްތެރިކަމާ އެކު މަސައްކަތްތަކެއް ކުރެވިފައި ވާތީ ކަމަށެވެ.
ހަމަމިއާ އެކު އިދިކޮޅުން ރައިސުލްޖުމްހޫރިއްޔާ ޑރ. މުހައްމަދު މުއިއްޒު ސަރުކާރަށް ހަވާލުވެލެއްވި ދުވަހުން ފެށިގެންވެސް، އިތުބާރު ނެތް ކަމަށް ތުހުމަތު ކޮށްފައިވާ ކަމަށްވެސް ސައިދު ވަނީ ވިދާޅުވެފަ އެވެ. އަދި މިއީ ސަރުކާރާ އެކު ރައްޔިތުން މަސައްކަތް ކުރަންވީ ވަގުތެއް ކަމަށާއި އިދިކޮޅުންވެސް ގައުމު ކުރިއެރުވުމަށް އެއްބާރުލުން ދޭން ޖެހޭ ކަމަށް ސައިދު ވިދާޅުވި އެވެ.
ސައީދު ވިދާޅުވީ އަލުން އަނބުރާ ބަނގުރޫޓު ނުވެ ގައުމު އޮތް ކަމަށްޓަކައި ޝުކުރުވެރިވާ ކަމަށެވެ.