މޯލްޑިވްސް ފައިނޭންޝަލް އެކްސްޕޯގެ ތެރެއިން މިރޭވެސް ހުޅުމާލޭގައި ހަވާއަރުވާނެ ކަމަށް އެމްއެންޑީއެފުން ބުނެފި އެވެ.
މި އެކްސްޕޯގެ ތެރެއިން ރޭވެސް ވަނީ ހަވާއަރުވާފަ އެވެ.
އެމްއެންޑީއެފްއިން ބުނީ، މޯލްޑިވްސް ފައިނޭންޝަލް އެކްސްޕޯގައި މިރޭ 22:00 ހާއިރު، ހުޅުމާލޭ އިރުމަތީ ފަރާތު ބޭރުން މޫދުގައިގައި ހަވާއަރުވާނެ ކަމަށެވެ.
ވިޔަފާރި އުސޫލުން ޕްރައިވެޓް އިވެންޓަކަށް ސިފައިންގެ ކޯޕަރޭޓިވް (ސިފްކޯ) އިން ކުރިއަށްގެންދާ މި ހަރަކާތް ކުރިއަށް ދާނީ 5 މިނެޓެއް ހާއިރު ކަމަށް އެމްއެންޑީއެފުން ބުނެއެވެ.
މޯލްޑިވްސް ފައިނޭންޝަލް އެކްސްޕޯއަކީ މަރުކަޒީ ބޭންކް، އެމްއެމްއޭއިން އިންތިޒާމުކުރާ އެކްސްޕޯއެކެވެ.
އެމްއެމްއޭގެ މޯލްޑިވްސް ފައިނޭންޝަލް އެކްސްޕޯ ބުރާސްފަތި ދުވަހު ފަށާފައިވާއިރު، ހޮނިހިރު ދުވަހުގެ ނިޔަލަށް މި އެކްސްޕޯ ކުރިއަށްދާނެއެވެ.