މިހާރުވެސް ވިލާ ކޮލެޖް އިން އިންސްޓިޓިއުޝަނަލް އެކްރެޑިޓޭޝަންސް ހޯދަން މަސައްކަތް ކުރަމުން ދާކަމަށް، ވިލާ ކޮލެޖްގެ ވައިސް ރެކްޓަރ، ޑރ. އަލީ ނަޖީބް ވިދާޅުވެއްޖެއެވެ.
ވިލާ ކޮލެޖް ގައި ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން ނަޖީބް ވިދާޅުވީ، ވިލާގެ ފެކަލްޓީތަކާއި، ސްކޫލްތަކާއި، ސެންޓަރު ތަކަށް އެކްރެޑިޓޭޝަންސް ހޯދުމާއި، އެ ތަންތަނުން ހިންގާ ޕްރޮގުރާމު ތަކަށް އެކްރެޑިޓޭޝަންސް ހޯދުމުގެ މަސައްކަތް ފުޅާ ދާއިރާއެއްގައި ކުރަމުންދާކަމަށެވެ.
ނަޖީބް އިތުރަށް ވިދާޅުވީ ވިލާ ކޮލެޖްގެ ގާސިމް އިބްރަހިމް ސްކޫލް އޮފް ބިސްނަސް އަށް ސައުތް އޭޝިއަން ކޮލިޓީ އެޝުއަރެންސް ސިސްޓަމްސްގެ އެކްރިޑިޓޭޝަންސް ލިބިފައިވާކަމަށެވެ.
ސައުތް އޭޝިއަން ކޮލިޓީ އެޝުއަރެންސް ސިސްޓަމަކީ ދުނިޔޭގެ ފެންވަރުގެ ބިޒްނަސް ސްކޫލުތައް އެކްރިޑޭޓް ކުރަމުންގެންދާ ތަނެއް ކަމަށް ނަޖީބް ވިދާޅުވިއެވެ.
މިހާތަނަށް 66 އިންސްޓިޓިއުޝަންއެއް ނުވަތަ ޔުނިވާސިޓީ އެއް ކޮލެޖެއް ނޫނީ ސްކޫލެއް އެ ކޮލެޓީ އެޝުއަރެންސް ތެރޭގައި ހިމެނިފައި ވާކަން ފާހަގަކުރައްވާ ނަޖީބް ވިދާޅުވީ މިއީ ރާއްޖޭގެ ކޮލެޖެއްގެ ބިޒްނަސް ސްކޫލެއް މި ސައުތް އޭޝަން ކޮލެޓީ އެޝުއަރެންސް ސިސްޓެމްސްގެ ދަށުން އެކްރިއޭޓް ކުރެވިގެންދާ ފުރަތަމަ ފަހަރު ކަމަށެވެ.
ނަޖީބް ވިދާޅުވީ އެއީ ރާއްޖެއަށް ލިބުނު ފަހުރެއް ކަމަށް އޭނާ ގަބޫލުފުޅުކުރައްވާކަމަށެވެ.
މި އެކްރިޓޭޝަންގެ ދަށުން ގާސިމް އިބްރަހިމް ސްކޫލް އޮފް ބިޒްނަސްގެ 13 ޕްރޮގުރާމް އެއް ހިމެނިފައިވާކަމަށް ނަޖީބް ވިދާޅުވިއެވެ.
ނަޖީބް ވިދާޅުވީ މިކަން އެހާ މުހިންމުވަނީ ގިނަ ކުދިންތަކެއް ކިޔަވާ ތަނަކަށް ވުމުގެ އިތުރުން ގިނަ ޕްރޮގުރާމްތަކެއް ހިނގާ ތަނަކަށް ވިލާ ކޮލެޖް ވެފައިވާތީކަމަށެވެ.