މޯލްޑިވްސް މަނިޓަރީ އޮތޯރިޓީއާ ގުޅުންހުރި ތާރީޚީ ފޮޓޯ ހޯދުމަށް އެ އޮތޯރިޓީން އިއުލާންކޮށްފިއެވެ.
އެ އޮތޯރިޓީން އާންމުކޮށްފައިވާ ބަޔާނެއްގައި ބުނީ ފޮޓޯތައް ހޯދަނީ އޮތޯރިޓީގެ ތާރީހާ ބެހޭގޮތުން ތައްޔާރުކުރަމުންދާ ފޮތެއްގައި ބޭނުންކުރުމަށް ކަމަށެވެ.
އެ ގޮތުން ހުށަހެޅޭ ފޮޓޯތައް ފޮތުގައި ބޭނުންކުރާނީ ފޮޓޯގެ ވެރިފަރާތާއެކު އެއްބަސްވެވޭ ގޮތެއްގެ މަތީން ކަމުގައި އެމްއެމްއޭގެ އިއުލާނުގައިވެއެވެ. އަދި އެމްއެމްއޭ އާ ގުޅުންހުރި ތާރީހީ ފޮޓޯތައް ފޮނުވުމުގެ ސުންގަޑި އަކީ 24 މާރިޗު 2026 މެންދުރު ފަހު 3 ޖެހުމާ ހަމައަށް ކަން ފާހަގަކޮށް ފޮޓޯ ފޮނުއްވާނީ އީމެއިލް މެދުވެރިކޮށްmedia@mma.gov.mv އަށް ކަމަށް އެ އޮތޯރިޓީން ބުނެއެވެ.