އަންނަ މަހުގެ 4 ވަނަ ދުވަހު ބާއްވާ އިންތިހާބުގައި ވޯޓުލާން ރަޖިސްޓްރީކޮށްފައިވާ ވޯޓު ފޮށީގެ ލިސްޓް އާންމުކޮށް ޝަކުވާއަށް ހުޅުވާލައިފިއެވެ.
އީސީން ވަނީ އަންނަ މަހުގެ 4 ވަނަ ދުވަހު ބާއްވާ އިންތިހާބުގައި ވޯޓުލާން ރަޖިސްޓްރީކޮށްފައިވާ ފޮށީގެ ލިސްޓް މިއަދު އާންމު ކޮށްފައެވެ.
އަދި އެކަމާ ގުޅޭގޮތުން ޝަކުވާ ހުށަހެޅުމުގެ ފުރުސަތު އީސީން ހުޅުވާލާފައި ވަނީ މާދަމާގެ މެންދުރުފަހު 1:30 ގެ ނިޔަލަށެވެ.
ވޯޓުލާން ރަޖިސްޓަރީކޮށްފައިވާ ފޮށީގެ މަޢުލޫމާތާއި ގުޅިގެން އެ މުއްދަތުގައި ޝަކުވާ ހުށަހަޅަން ބޭނުންވާ ފަރާތްތަކުން، ޝަކުވާ ހުށަހަޅާނީ އޮންލައިންކޮށް، އެ ކޮމިޝަނުގެ މައިޕޯޓަލް my.elections.gov.mv މެދުވެރިކޮށެވެ.
ރަޖިސްޓަރީވެފައިވާ ފޮށީގެ މަޢުލޫމާތު، ޗެކްކުކުރުމަށް ބޭނުންވާ ފަރާތްތަކުން VR (Space) NID ޖެއްސެވުމަށް ފަހު 1414 އެސް.އެމް.އެސް ފޮނުވުމުން ޗެކްކުރެވޭނެ ކަމަށް އީސީން ބުނެފައި ވެެއެވެ.
ކައުންސިލް އިންތިޚާބާއި އތމ. ކޮމިޓީތަކުގެ އިންތިޚާބާއެކު، އަންނަ އެޕްރީލް 4 ވަނަ ދުވަހު ރިޔާސީ އިންތިޚާބާއި ރައްޔިތުންގެ މަޖިލީހުގެ އިންތިޚާބު އެއްދުވަހެއްގައި ބޭއްވުމާ މެދު ރައްޔިތުންގެ ޚިޔާލު ހޯދުމުގެ އާންމު ވޯޓެއް (ރިފަރެންޑަމް) ވެސް ކުރިއަށްދާނެއެވެ.
އެ އިންތިޚާބުގައި ޖުމްލަ 226 ދާއިރާއަކުން މެންބަރުން އިންތިޚާބު ކުރާނެއެވެ.