އެމެރިކާއާއި، އިސްރާއީލުން ދީފައިވާ އަސްކަރީ ހަމަލާތަކަށް ރައްދު ދިނުމުގެ ގޮތުން އީރާނުން ވަރުގަދަ ހަމަލާތަކެއް ދީފިއެވެ.
މީޑިއާ ރިޕޯޓުތައް ބުނާގޮތުން އައިއާރުޖީސީން ވަނީ ދުޝްމަނުންގެ ސްޓްރެޓީޖިކް އަސްކަރީ މަރުކަޒުތަކަށް ހަމަލާދީފައެވެ.
އަދި މިއީ އީރާނާ ގުޅުންހުރި މަރުކަޒުތަކަށް ދިން ވައިގެ ހަމަލާތަކާއި، އެ ގައުމުގެ އިސް ކޮމާންޑަރުން ޝަހީދުކޮށްލުމާ ގުޅިގެން ދިން ސީދާ ރައްދު ހަމަލާތަކެއް ކަމަށް އީރާނުގެ އޮފިޝަލުންނާ ހަވާލާދީ ރިޕޯޓުކޮށްފައި ވެެއެވެ.
ރިޕޯޓުތައް ބުނާގޮތުން އީރާނުން ވަނީ ގަތަރާއި، ސައުދީއާއި، ބަހުރެއިން އަދި ކުވެއިތުގައި ހުންނަ އެމެރިކާގެ އަސްކަރީ ބޭސްތަކަށް ހަމަލާދީފައެވެ.
އީރާނުން ބުނާ ގޮތުގައި މި ހަމަލާތަކަކީ އެމެރިކާގެ އަސްކަރީ މަރުކަޒުތަކަށް އަމާޒުކޮށް ދިން ހަމަލާތަކެކެވެ.
އީރާނުން އިސްރާއީލަށް ވަރުގަދަ ހަމަލާތަކެއް ދީފައި މިވަނީ، އިސްރާއީލާއި އެެމެރިކާއިން އީރާނަށް ހަަމަލާ ދިންތާ މަގިނައިރުތަކެއް ނުވަނީހެވެ.