އިސްރާއީލާއި އެމެރިކާއިން އީރާނަަށް ހަމަލާދޭން ފަށައިފިއެވެ.
އިސްރާއީލުން އީރާންއަށް ބޮމުގެ ހަމާލަތައް ދޭން ފަށާފައިވާ ކަން ހާމަކޮށް އިސްރާއީލްގެ ޑިފެންސް މިނިސްޓަރު ބުނީ އެއީ އެ ގައުމުގެ ސަލާމަތަށްޓަކައި ދޭން ފެށި ހަމަލާތަކެއް ކަމަށެވެ.
އެމެރިކާގެ ރައީސް ޑޮނަލްޑް ޓްރަމްޕް ވެސް ވަނީ އެމެރިކާއިން އީރާނަށް ހަމަލާ ދޭން ފެށިކަން ހާމަކޮށްފައެވެ.
އިރާނުގެ ވެރިރަށް ތެހެރާންގެ ދެ ދިމާލަކުން ދުން އަރަމުންދާތަން ފެންނަ ކަމަށް ރިޕޯޓުތައް ބުނެފައި ވާއިރު އޭގެ ކުރިން ބާރުގަދަ ދެ ގޮވުމެއްގެ އަޑު އިވުނު ކަމަށް ވެސް މީޑިއާ ރިޕޯޓުތައް ބުނެއެވެ.
މީޑިއާ ރިޕޯޓުތައް ބުނާ ގޮތުން އެމެރިކާ އަދި އިސްރާއީލުން ގުޅިގެން އީރާނަށް ދިން ހަމަލާތަކުގައި އީރާންގެ ރައީސް މަސްއޫދު ޕެޒެޝްކިއަން އަވަހަރާކޮށްލުމަށް އީރާންގެ ވެރިރަށް ތެހްރާންގައި ހުންނަ ރިޔާސީ ގަނޑުވަރަށްވެސް ވަނީ ހަމަލާދީފައެވެ.
އަދި އީރާންގެ ރޫހާނީ ލީޑަރު އާޔަތުﷲ އަލީ ހާމަނާއީގެ އޮފީސްތަކަށް ވެސް ވަނީ ހަމަލާދީފައެވެ.
އީރާންގެ ރަސްމީ މީޑީއާއިން ވަނީ މި ހަމަލާތަކުގައި ރައީސް މަސްއޫދު ޕެޒެޝްކިއަން ސަލާމަތްވެ ވަޑައިގެންފައިވާ ކަމަށް ބުނެފަ އެވެ.
އޭގެ ތެރޭގައި އިންޓަލިޖެންސް މިނިސްޓްރީ، ޑިފެންސް މިނިސްޓްރީ އަދި އެޓޮމިކް އެނަޖީ އޯގަނައިޒޭޝަން ހިމެނެއެވެ.
އީރާނުގެ އަސްކަރިއްޔާއާއި ހަވާލާދީ ރިޕޯޓްތައް ބުނާގޮތުން މަދު ވަގުތުކޮޅެއްތެރޭގައި އީރާނުން ރައްދު ހަމަލާތައް ދޭން ފަށާނެއެވެ.
އީރާނުގެ ފުރަތަަމަ ރައްދުގެ ހަމަލާތައް ދޭނެކަމަށް ލަފާކުރެވެނީ އެއްފަހަރާ އިސްރާއީލަށް، އެމެރިކާގެ ބޭސްތަކަށް، އަދި އެމެރިކާގެ މަނަވަރުތަކަށް ކަމަށް ބެލެވެއެވެ.