ހަށިގަނޑުގައި ފޮރުވާފައިވާ މަސްތުވާތަކެއްޗާއި އެހެނިހެން އާލަތްތައް ދެނެގަނެވޭނެ ކަހަލަ ބޮޑީ ސްކޭނަރެއް މާފުށީ ޖަލުގައި ބަހައްޓައިފިއެވެ.
މާފުށީ ޖަލުގައި ބޮޑީ ސްކޭނަރ މެޝިންގެ ޚިދުމަތް އިފްތިތާޙްކޮށްދެއްވީ ހޯމް މިނިސްޓަރު ޢަލީ އިޙުސާނެވެ. މެޝިނަކީ ސަރުކާރުން ހޯމް މިނިސްޓްރީ މެދުވެރިކޮށް ފޯރުކޮށްދިން މެޝިނެކެވެ.
"ސޮޓަރ އާރް.އެސް ބޮޑީ ސްކޭނަރ" މެޝިންއަކީ އިންސާނުގެ ހަށިގަނޑުގައި ރައްކާކޮށް އެއްޗެހި އެތެރެކުރާ ޙާލަތުގައި އެކަން ދެނެގަނެވޭނެ މެޝިނެކެވެ.
އެ ސްކޭނަރަކީ ޖަލުގެ ސަލާމަތީ ކަންކަން ހަރުދަނާ ކުރުމަށް ބެހެއްޓި، ފަހުގެ ބޮޑީ ސްކޭނިންގ މެޝިނެކެވެ. އެ ސްކޭނިން މެޝިނުން މަސްތުވާތަކެއްޗާއި އެކިކަހަލަ އާލާތްތައް އަދި ފޯނު ފަދަ ތަކެތިވެސް، މި ސްކޭން ދެނެގަނެވޭނެއެވެ.
އެހެންކަމުން އެ މެޝިން މެދުވެރިކޮށް، މާފުށީ ޖަލުގެ ގައިދީންނާއި މުވައްޒަފުން އަދި އެހެނިހެން ބޭނުންތަކުގައިވެސް ޖަލަށް ވަންނަ މީހުން ސްކޭން ކުރާނެެއެވެ.
މަސްތުވާތަކެއްޗާ ދެކޮޅަށް ސަރުކާރުން ކުރާ މަސައްކަތުގައިވެސް، ސަވައިލެންސްގެ މަސައްކަތްތައް ދަނީ ހަރުދަނާކުރަމުންނެވެ.