މި އަަހަރުގެ ފެބްރުއަރީ މަހުގެ 14 ވަނަ ދުވަހުގެ ނިޔަލަށް ރާއްޖެއަށް 125،202 ފަތުރުވެރިން ޒިޔާރަތް ކޮށްފިއެވެ.

މިނިސްޓްރީ އޮފް ޓޫރިޒަމް އެންޑް އެންވަރަމެންޓް އިން އާންމުކޮށްފައިވާ ތަފާސް ހިސާބުތަކުން ދައްކާ ގޮތުގައި، މިއީ ކުރީ އަހަރު އައިސްފައިވާ 110،414 ފަތުރުވެރިންނާ އަޅާ ބަލާއިރު 13.4 އިންސައްތަ އިތުރުވުމެކެވެ.

އެގޮތުން ކޮންމެ ދުވަހަކު އައިސްފައިވާ ފަތުރުވެރިންގެ އަދަދަށް ބަލާލާއިރު، ފެބްރުއަރީ 1 ގައި 10،253 ފަތުރުވެރިން، ފެބްރުއަރީ 2 ގައި 7،666 ފަތުރުވެރިން، ފެބްރުއަރީ 3 ގައި 8،554 ފަތުރުވެރިން، ފެބްރުއަރީ 4 ގައި 7،885 ފަތުރުވެރިން، ފެބްރުއަރީ 5 ގައި 7،944 ފަތުރުވެރިން، ފެބްރުއަރީ 6 ގައި 7،981 ފަތުރުވެރިން، ފެބްރުއަރީ 7 ގައި 10،056 ފަތުރުވެރިން، ފެބްރުއަރީ 8 ގައި 10،462 ފަތުރުވެރިން، ފެބްރުއަރީ 9 ގައި 7،899 ފަތުރުވެރިން، ފެބްރުއަރީ 10 ގައި 8،855 ފަތުރުވެރިން، ފެބްރުއަރީ 11 ގައި 8،144 ފަތުރުވެރިން، ފެބްރުއަރީ 12 ގައި 8،996 ފަތުރުވެރިން ގެ އިތުރުން ފެބްރުއަރީ 13 ގައި 9،371 ފަތުރުވެރިން، އަދި ފެބްރުއަރީ 14 ގައި 11،136 ފަތުރުވެރިން ރާއްޖެއަށް އައިސްފައިވެއެވެ.

މީގެ އިތުރުން ފެބްރުއަރީ މަހު އެންމެ ގިނަ އަދަދަކަށް ފަތުރުވެރިން އައިސްފައިވާ ގައުމުތަކަށް ބަލާލާއިރު، ޗައިނާ އިން މާކެޓްގެ 14.2 އިންސައްތަ އެއީ 49،704 ފަތުރުވެރިން، ރަޝިޔާ އިން 11.5 އިންސައްތަ އެއީ 40،141 ފަތުރުވެރިން، އިޓަލީ އިން 9.8 އިންސައްތަ އެއީ 34،320 ފަތުރުވެރިން، އިނގިރޭސިވިލާތުން 9.3 އިންސައްތަ އެއީ 32،563 ފަތުރުވެރިން، ޖަރުމަނީ އިން 6.2 އިންސައްތަ އެއީ 21،558 ފަތުރުވެރިން ، އިންޑިއާ އިން 3.7 އިންސައްތަ އެއީ 12،920 ފަތުރުވެރިން، ފްރާންސް އިން 3.4 އިންސައްތަ އެއީ 11،998 ފަތުރުވެރިން، ޔޫއެސްއޭ އިން 2.7 އިންސައްތަ އެއީ 9،524 ފަތުރުވެރިންގެ އިތުރުން، ޕޮލަންޑް އިން 2.6 އިންސައްތަ އެއީ 8،960 އަދި ސިވިޒަލޭންޑް އިން 2.1 އިންސައްތަ އެއީ 7،348 ފަތުރުވެރިން ކަމަށް ތަފާސް ހިސާބުތަކުން ދައްކައެވެ.

މި އަހަރުގެ ފެބްރުއަރީ މަހުގައި އައިސްފައިވާ ފަތުރުވެރިންގެ އަދަދަކީ 2024 އަދި 2025 ވަނަ އަހަރު އައިސްފައިވާ ފަތުރުވެރިންގެ އަދަދަށްވުރެ ގިނަ އަދަދެކެވެ. އެގޮތުން 2024 ގައި ފެބްރުއަރީގެ 1-14 އަށް ރާއްޖެއަށް އައިސްފައިވަނީ 109،930 ފަތުރުވެރިންނެވެ. އަދި 2025 ވަނަ އަހަރުގެ އެމުއްދަތުގައި އައިސްފައިވަނީ 110،414 ފަތުރުވެރިންނެވެ.

މި އަހަރަކީ ފަތުރުވެރިކަމުގެ އަހަރުގެ ގޮތުގައި ސަރުކާރުންވަނީ ކަނޑައަޅާފައެވެ.