ކުރުނބާ ރިސޯޓް ބޭރުގައި އޮތް ކަންނެލި ދޯންޏެއްގައި އަލިފާނުގެ ހާދިސާ އެއް ހިނގަިފިއެވެ.
މި ހާދިސާ އާގުޅިގެން ފުލުހުން ބުނީ، ކުރުނބާ މޯލްޑިވްސް ކައިރި އަޅާފައި އޮތް މަސްދޯންޏެގައި އަލިފާނުގެ ހާދިސާއެއް ހިނގައިން އުޅޭ ކަމުގެ މައުލޫމަތު މިއަދު 14:54 އެހާކަންހާ އިރު ފުލުހުންނަށް ލިބިފައިވާ ކަމަށެވެ.
ފުލުހުން ބުނީ މިހާދިސާ ހިނގި އިރު ދޯނީގައި 15 މީހުން ތިބި ކަމަށް ފުލުހުންނަށް މައުލޫމާތު ލިބިފައިވާ ކަމަށާއި، އަދި މިހާދިސާ ގައި އަނިޔާވި މީހުން މާލެ ގެނައުމައްޓަކައި ކުރުނބާ މޯލްޑިވިސް ރިސޯޓުގެ އުޅަނދެއްގައި ދަތުރު ކުރަމުން ދާކަމަށެވެ.
މި ހާދިސާ އާ ގުޅިގެން އެ ސަރަހައްދުގައި ފުލުހުން ހަރަކާތްތެރި ވަމުން އަންނަ ކަމަަށް ވެސް ފުލުހުން ވަނީ ބުނެފައެވެ.
ސޯޝަލް މީޑިއާގައި އާންމުވެފައިވާ ވީޑިއޯ އަދި ފޮޓޯތަކުން ފެންނަ ގޮތުގައި އެ ދޯނީގައި ވަނީ ވަރަށް ބޮޑަށް އަލިފާން ރޯވެފައެވެ. އެ ގޮތުން، އެ ދޯނީގެ ފަހަތުކޮޅުގައި އެއްކޮށްހެން ވަނީ ހުޅު ހިފާފައެވެ.