އީރާނުގެ ވެރިކަން ބަދަލުވުމަކީ އެންމެ ރަނގަޅު ގޮތް ކަމަށް އެމެރިކާގެ ރައީސް ޑޮނަލްޑް ޓްރަމްޕް ވިދާޅުވެއްޖެ އެވެ.
ޓްރަމްޕްގެ މި ވާހަކަތަކަކީ އީރާނުގެ ނިއުކްލިއާ ލީޑަރޝިޕް ވައްޓާލުމަށް މިހާތަނަށް ގޮވާލެއްވި އެންމެ ސީދާ ގޮވާލުމެވެ.
ޓްރަމްޕް މިހެން ވިދާޅުވީ ނޯތު ކެރޮލައިނާގެ ފޯޓް ބްރެގްގެ އަސްކަރީ މަރުކަޒުގައި ބޭއްވި ޕްރެސްއެއްގައި ނޫސްވެރިއެއްގެ ސުވާލަށް ޖަވާބު ދެއްވަމުންނެވެ.
އެ ބައްދަލުވުމުގައި "އީރާނުގައި ވެރިކަން ބަދަލުކުރަން ބޭނުންތޯ" ނޫސްވެރިއަކު ސުވާލު ކުރުމުން ޓްރަމްޕް ވަނީ އެމެރިކާގެ ދެވަނަ މަތިންދާބޯޓު އުފުލާ ބޯޓެއް "ވަރަށް އަވަހަށް" މެދުއިރުމައްޗަށް ފުރާނެ ކަމަށާއި، އީރާނުގެ ނިއުކްލިއާ ޕްރޮގްރާމާ މެދު އެއްބަސްވުމަކަށް ނާދެވިއްޖެ ނަމަ އީރާނަށް ވޭންދެނިވި ނަތީޖާތަކެއް ކުރިމަތިވާނެ ކަމުގެ އިންޒާރު ދެއްވާފައެވެ.
"އެއްބަސްވުމަކަށް ނުދެވޭނަމަ މަތިންދާބޯޓު އުފުލާ ބޯޓު ޔޫއެސްއެސް ޖެރަލްޑް އާރް ފޯޑް ވަރަށް އަވަހަށް ފުރާނެ. އީރާނުގެ ނިއުކްލިއާ ޕްރޮގްރާމާ މެދު އެއްބަސްވުމަކަށް ނުދެވޭނަމަ އެ ބޯޓު ބޭނުންވާނެ."ޓްރަމްޕް ވިދާޅުވިއެވެ.
އޭނާ އިތުރަށް ބުނީ "47 އަހަރު ވަންދެން އެމީހުން ވާހަކަ ދައްކައި ވާހަކަ ދައްކައި ވާހަކަ ދައްކަމުން އަންނަނީ. އަދި އެ މުއްދަތުގެ ތެރޭގައި އަހަރެމެންނަށް އެތައް ބައެއްގެ ފުރާނަ ގެއްލިއްޖެ."ކަމަށެވެ.
ޑިސެމްބަރު މަހުގެ ފަހުކޮޅު އީރާނާ ދެކޮޅަށް އަސްކަރީ ފިޔަވަޅު އެޅުމުގެ އިންޒާރު ޓްރަމްޕް ދެއްވަމުން ގެންދަވާއިރު، އެ މުޒާހަރާތަކުގައި ކަމާބެހޭ ފަރާތްތަކުން ވަނީ އެތައް ހާސް ބަޔަކު މަރުވެފައެވެ.
1979 ވަނަ އަހަރުގެ އިސްލާމީ އިންޤިލާބުގައި ވެރިކަން ވައްޓާލި އީރާނުގެ ޝާހުގެ ދަރިކަލުން ވަނީ އީރާނުގައި ހިނގަމުންދާ މުޒާހަރާތައް ހުއްޓުވުމަށް ބައިނަލްއަގުވާމީ ނުފޫޒު ފޯރުވުމަށް ގޮވާލައްވާފައެވެ.
ނޯތު ކެރޮލައިނާގެ ފޯޓް ބްރެގްގެ އަސްކަރީ މަރުކަޒުގައި ނޫސްވެރިންނާ ވާހަކަ ދައްކަވަމުން ޓްރަމްޕް ވިދާޅުވީ އީރާނުގައި ވެރިކަން ބަދަލުކުރަން ބޭނުންތޯ ނޫސްވެރިއަކު ސުވާލު ކުރުމުން ކަމަށެވެ.
ޓްރަމްޕް ވިދާޅުވީ މަތިންދާބޯޓު އުފުލާ ބޯޓު ޔޫއެސްއެސް ޖެރަލްޑް އާރް ފޯޑް ވަރަށް އަވަހަށް ފުރާނެ ކަމަށާއި އީރާނުގެ ނިއުކްލިއާ ޕްރޮގްރާމާ މެދު އެއްބަސްވުމަކަށް ނުދެވޭނަމަ އެ ބޯޓު ބޭނުންވާނެ ކަމަށެވެ.
އީރާނުގެ އެންމެ މަތީ ލީޑަރު އާޔަތުالله އަލީ ޚާމަނާއީގެ ވެރިކަން ބަދަލުކުރުމަށްފަހު އީރާނުގެ ވެރިކަމާ ހަވާލުވެވަޑައިގަންނަވަން ބޭނުންފުޅުވަނީ ްކޮން ބޭފުޅެއް ކަމެއް ޓްރަމްޕް ހާމަކުރައްވާފައި ނުވި ނަމަވެސް، "މީހުން އެބަތިބި" ކަމަށް ޓްރަމްޕް ވިދާޅުވި އެވެ.
ޓްރަމްޕް އިތުރަށް ވިދާޅުވީ "47 އަހަރު ވަންދެން އީރާނާއެކު މަޝްވަރާކުރަމުން އަންނަ ކަމަށާއި އަދި އެ މުއްދަތުގެ ތެރޭގައި އެތައް ބައެއްގެ ފުރާނަ ގެއްލިއްޖެ." ކަމަށެވެ.
އީރާނުގައި ސަރުކާރާ ދެކޮޅަށް މިދިޔަ ޑިސެމްބަރު މަހުގެ 28 ވަނަ ދުވަހުފެށި މުޒާހަރާތައް ފެށުމުގެ މައިގަނޑު ސަބަބަކީ އީރާނުގެ ރިޔާލްގެ އަގު ވަރަށް ބޮޑަށް ދަށަށް ދިއުމާ ގުޅިގެން ގްރޭންޑް ބާޒާރުގެ ފިހާރަތައް ބަންދުކުރުމާއެކު އެ ގައުމުގެ އިގްތިސާދީ ހާލަތު ދަށްވުމެވެ.
އެމެރިކާގެ ހިއުމަން ރައިޓްސް އެކްޓިވިސްޓްސް ނިއުސް އޭޖެންސީން ބުނާ ގޮތުގައި މި ހަމަނުޖެހުންތަކުގައި 7،008 މީހުން މަރުވެފައިވާ އިރު، އޭގެ ތެރޭގައި ގިނައީ މުޒާހަރާގެ ބައިވެރިންނެވެ.
އަދި 53،000 އަށް ވުރެ ގިނަ މީހުން ހައްޔަރުކޮށްފައިވާ ކަމަށް ވެސް ރިޕޯޓުތައް ބުނެ އެވެ.
ނޯވޭގައި ހުންނަ އީރާން ހިއުމަން ރައިޓްސް (އައިއެޗްއާރް) ގެ އެންޖީއޯ އިން ބުނީ މުޒާހަރާތަކާ ގުޅިގެން އެތައް ސަތޭކަ މީހެއްގެ މައްޗަށް މަރުގެ ހުކުމް އިއްވަން ޖެހިދާނެ ކަމަށެވެ.