މިއަހަރުގެ ރިޔާސީ ބަޔާނުގައި ދެ އަރު ކުރިން 2024 ގައި ވެފައިވާ ވައުދުތަށް އަލުން އާކޮށްފައިވާކަމަށް މާލޭ ސިޓީގެ މޭޔަރު އާދަމް އާޒިމް ވިދާޅުވެއްޖެއެވެ.
އޭޕްރިލް މަހުގެ ކުރީކޮޅު އޮންނަ އިންތިހާބަށް އެމްޑީޕީގެ ކެމްޕެއިން "ހޭވައްލާ ތައްޔާރު" އިފްތިތާހުކުރުމަށް ބޭއްވި ޖަލްސާގައި ވާހަކަދައްކަވަމުން އާޒިމް ވިދާޅުވީ، ކޮންމެ ތިން އަހަރަކުން 10 ރިސޯޓު ހަދާ، އެ ރިސޯޓު ތަކުގެ ފައިދާ އިން ކޮންމެ ދިވެހި ރައްޔިތެއްގެ އެކައުންޓަށް އަހަރަކު 400 ޑޮލަރު ވަންނާނޭ ކަމަށް ބުނުމަކީ ބޮޑުވަރު ކަމަށެވެ.
އާޒިމް ވިދާޅުވީ އެފަދަ ހިޔާލީ ފޮލާ ކައްކަމުން ގޮސް، އަމިއްލަ އަށް ބޮލާ ފޮށާ އެޅޭ އިރުވެސް ރެއަކާ ނުލީމައި އާންމު ރައްޔިތުންނަށްވެސް އެކަން އިނގޭނެކަމަށެވެ.
ކުރިއަށް އޮތް ލޯކަލް ކައުންސިލް އިންތިހާބުގައި އެންމެ ގޮނޑިއެއްވެސް ސަރުކާރު ހިންގާ ޕާޓީ، ޕީއެންސީ އަށް ދޭން ނުފެންނަ ގިނަ ސަބަބުތަކެއް ވާކަމަށް ކަމަށް އާޒިމް ވިދާޅުވިއެވެ.
އާޒިމް އިތުރަށް ވިދާޅުވީ ކޮންމެ ވެރިކަމެއްގައިވެސް އަޑިގަނޑު ތަކާއި އުސްގަނޑުތަށް ހުންނާނެކަމަށެވެ. އަދި އެީ ދުނިޔޭގެ އާދަކަން އޭނާ ފާހަގަކުރެއްވިއެވެ.
އެމްޑީޕީ އަށް ވޯޓު ދޭންޖެހޭ ގިނަ ސަބަބުތަކެއް ވާކަން ފާހަގަކުރައްވާ އާޒިމް ވިދާޅުވީ ކުރިން އޮތް އެމްޑީޕީގެ ސަރުކާރުތަކުގައި ދިވެހިންގެ ދިރިއުޅުން އެތަށް ގުނަ އަކަށް ފަސޭހަ ކޮށްދީފައި ވާނެކަމަށެވެ. އަދި ރައްޔިތުން އެދޭފަދަ ހެޔޮ ވެރިކަމެއް ކޮށްދޭން އިނގޭނީ އެމްޑީޕީ އަށް ކަމަށް އޭނާ ވިދާޅުވިއެވެ.
އޭނާ ވަނީ އެމްޑީޕީގެ ކެންޑިޑޭޓުންނަށް ވޯޓު ދިނުމަށް އިލްތިމާސް ކުރައްވާފައެވެ.