އެމެރިކާގެ ނޭވީގެ ހަނގުރާމަމަތީ މަނަވަރެއް ނޭވީގެ ސަޕްލައި އުޅަނދެއްގައި ޖެހި އެކްސިޑެންޓްވެއްޖެއެވެ.
އެމެރިކާގެ އަސްކަރިއްޔާގެ ސަދަން ކޮމާންޑުން ބީބީސީއަށް މައުލޫމާތު ދެމުން ބުނީ އެކްސިޑެންޓް ހިނގާފައި ވަނީ ގައިޑެޑް މިސައިލް ޑިސްޓްރޯޔަރ އާއި ފާސްޓް ކޮމްބެޓް ސަޕޯޓް ޝިޕް ޖެހިގެން ކަމަށެވެ.
މި ހާދިސާގައި ދެ މީހަކަށް ވަނީ އަނިޔާ ވެފައެވެ. އަދި އެ މީހުންގެ ހާލު މިހާރު ސްޓޭބަލް ކަމަށް ރިޕޯޓުކޮށްފައި ވެެއެވެ.
މީގެ އިތުރުން ގައިޑެޑް މިސައިލް ޑިސްޓްރޯޔަރ އާއި ފާސްޓް ކޮމްބެޓް ސަޕޯޓް ޝިޕް މިހާރު ވަނީ ދެކުނު އެމެރިކާ ކައިރިން ރައްކާތެރިކަމާއެކު ދަތުރު އަލުން ފަށާފައި ކަމަށްވެސް ރިޕޯޓުތައް ބުނެއެވެ.
މި އެކްސިޑެންޓް ހިނގަން މެދުވެރިވި ސަބަބު ސަދަން ކޮމާންޑުން ހާމައެއް ނުކުރެ އެވެ.
ނަމަވެސް އެ ހާދިސާ މިހާރު ތަހުގީގު ކުރަމުން އަންނަ ކަމަށް ރިޕޯޓުތައް ބުނެފައިވެއެވެ.