އެންޓި ސްކޭމް ސެންޓަރުން ތަހުގީގު ކުރަމުންދާ މައްސަލައެއްގެ ތަހުގީގަށް 3 މީހަކު ހާޒިރުކުރަން ފުލުހުން އިއުލާނުކޮށްފިއެވެ.
ދިވެހި ފުލުހުންގެ ޚިދުމަތުން މިއަދު ވަނީ އެ ތިން މީހުންގެ ވަނަވަރު އާންމުކޮށް ހޯދަން އިއުލާނުކޮށްފައެވެ.
ފުލުހުން މިއަދު ބުނީ ސްކޭމެއްގެ މައްސަލައިގައި ހާޒިރުކުރަން ބޭނުންވެ، އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާތީ، ޖިނާއި މައްސަލަތައް ތަހުގީގުކުރުމުގައި ފުލުހުން އަމަލުކުރާނެ އިޖުރާއަތުގެ ގަވާއިދުގެ 27ވަނަ މާއްދާގައިވާ ގޮތުގެމަތިން ތަހުގީގަށް ހާޒިރުވުމަށް ތިން މީހަކަށް އަންގައި އިޢުލާންކޮށްފައިވާ ކަމަށެވެ.
ސްކޭމްގެ މައްސަލައިގެ ތަހުގީގަށް ހޯދަން އިއުލާނުކުރި ތިން މީހުންނަކީ:
1. ޝާފިޢު ޝިހާބު (33އ)، ދާގަނޑުކެކުރިގެ / ސ. ހިތަދޫ
2. ނަދީފް މުޙައްމަދު (36އ)، ރަންކޮކާގެ / ގއ. ގެމަނަފުށި
3. އަޙްމަދު އާދަމް (40އ)، ޖަވާހިރުވާދީ / ތ. މަޑިފުށި
މި މައްސަލައިގެ ތަހުގީގަށް ސުވާލުކުރުމަށް އެ ތިން މީހުން ވެސް ސާޖަންޓް އާދަމް ޙަލީމް ކުރިމިނަލް އިންވެސްޓިގޭޝަން ބިލްޑިންއަށް ޙާޟިރުވާން އަންގައިފައި ވަނީ މި މަހު 18ވަނަ ދުވަހު 14:00އަށެވެ.