މި ރަމަޟާންމަހު ފެމިލީ ކޯޓުން ކައިވެނިކޮށްދޭނެ ގަޑިތައް އިއުލާންކޮށްފިއެވެ.
ފެމިލީ ކޯޓުން އާންމުކުރި އިއުލާނެއްގައި ވަނީ މި ރަމަޟާންމަހާއި ޝައްވާލުމަހުގެ ފުރަތަމަ 7 ދުވަހު ކައިވެނިކޮށްދޭނެ ގަޑިތައް އާންމުކޮށްފައެވެ.
ފެމިލީ ކޯޓުން ބުނީ ރަމަޟާންމަހު ރަސްމީ ބަންދު ދުވަސްތަކާއި ހުކުރު، ހޮނިހިރު ނޫން ދުވަސްތައް ފިޔަވައި އެހެން ދުވަސްތަކުގައި ކައިވެނި ކޮށްދޭނީ ހެނދުނު 09:30 އިން 12:00 އިން 13:00 އަށް ކަމަށެވެ. އަދި 14:30 16:30 އަށްވެސް ކޯޓުގައި ކައިވެނި ކޮށްދޭ ގޮތަށް ވަނީ ހަމަޖައްސާފައެވެ.
ފެމެލީ ކޯޓުން ބުނީ ރަސްމީ ދުވަސްތަކުގައި ރޭގަނޑު 21:30 އިން 22:45 އަށްވެސް ކައިވެނިކޮށްދިނުމަށް ހަމަޖެހިފައިވާ ކަމަށެވެ.
މީގެ އިތުރުން ހަފްތާ ބަންދު ދުވަސްތަކުގައި ކައިވެނި ކޮށްދިނުމަށް ހަމަޖެހިފައިވަނީ ރޭގަނޑު 21:30 އިން 22:45އަށް އެކަނި ކަމަށްވެސް ވަނީ ބުނެފައެވެ.
ހުކުރު ދުވަސް ފިޔަވާ ކޯޓުން ބޭރުގައި ކައިވެނިކޮށްދޭނެ ވަގުތުތަކަކީ 14:00 އިން 16:30 އަށެވެ. އަދި ރޭގަނޑު 21:30 އިން 22:45 އަށެވެ.
ހަމައެހެންމެ ހުކުރު ދުވަހު ކޯޓުން ބޭރުގައި ކައިވެނި ކޮށްދޭނީ ރޭގަނޑު 21:30 އިން 22:45އަށް ކަމަށް ފެމިލީ ކޯޓުން ބުނެފައި ވެއެވެ.