އެލީޓް ބާސްކެޓް ބޯލް އެކަޑަމީން ތަމްރީނު ކޭމްޕެއް ބާއްވައިފިއެވެ.
ވީނިއުސް އަށް މައުލުމާތުދެމުން އެލީޓް އެކްޑެމީގެ ލީޑިންގ ކޯޗު ސެލްވަރާޖާ ވިދާޅުވީ މި ކޭމްޕު ކުރިއަށް ގެންދިޔައީ 3 ދުވަހަށް ކަމަށެވެ. އެގޮތުން މި މަހުގެ 8 ވަނަ ދުވަހުން ފެށިގެން 10 ވަނަ ދުވަހާ ހަމައަށް މި ކޭމްޕް ވަނީ ކުރިއަށް ގެންގޮސްފައި ކަމަށް އޭނާ ވިދާޅުވިއެވެ.
އެނާ ވިދާޅުވީ މި ކޭމްޕްގައި ކޯޗު ކޮށްދެއްވި، ސާބިއާގެ ކޯޗު ނިކޯލާ ތައާރަފް ކުރުމަށް ލިބުނު ފުރުސަތަށްޓަކައި ފަހުރުވެރިވާކަމަށެވެ.
މި ކޭމްޕުގައި 80 އާއި 100 އާ ދެމެދުގެ އަދަދަކަށް ކުދިން ބައިވެރިވެފައިވާކަން ފާހަގަކުރައްވާ ސެލްވަ ވިދާޅުވީ ކުދިންގެ އަދަދު މަދު ވިނަމަވެސް އަމާޒަކީ ކޮލިޓީ ކޭމްޕެއް ކުރިއަށް ގެންދިއުންކަމަށެވެ.
މި ކޭމްޕުގެ ބައިވެރިން ވީނިއުސް އަށް މައުލުމާތުދެމުން ބުނީ މި ކޭމްޕުގެ ސަބަބުން ގިނަ ކުރިއެރުންތަކެއް ލިބިގެން ދިޔަ ކަމަށެވެ. އަދި މި ކޭމްޕުގައި ކުރިއަށް ގެންގޮސްފައިވާ އެކި ހަރަކާތްތަކުން ގިނަ ކަންތައްތަކެއް ދަސްވެފައިވާކަމަށާއި، މިފަދަ ތަފާތު ކޭމްޕުތައް މުސްތަގުބަލުގައި ވެސް ކުރިއަށް ގެންދާނެކަމަށް އުންމިދުކުރާ ކަމަށް ކޭމްޕުގެ ބައިވެރިން ވަނީ ބުނެފައެވެ.
މީގެ އިތުރުން މި ކޭމްޕުގައި ހަރަކާތްތެރިވި ކޯޗެއް ކަމަށްވާ މަރިޔަމް ސޮފްވާ ވިދާޅުވީ މި ކޭމްޕަކީ ކުރިއަރަމުން އަންނަ ކުޅުންތެރިންނަށް ބޭރު ކޯޗަކާ އެކުގައި މަސައްކަތް ކުރަން ލިބުނު ރަނުގެ ފުރުސަތެއް ކަމަށެވެ. އަދި މި ފުރުސަތުގެ ސަބަބުން ވަރަށް ރަނގަޅަށް އެކުދިން ތަމްރީނު ވެގެންދާނެކަމަށް ގަބޫލު ކުރެވޭކަމަށް އޭނާ ވިދާޅުވިއެވެ.
މި ކޭމްޕުގައި އިސް ކޯއްޗެއްގެ ގޮތުގައި މަސައްކަތް ކުރެއްވި ކޯޗް ނިކޯލާ ވިދާޅުވީ މި ކޭމްޕު ކުރިއަށް ގެންދެވިފައިވާ ވާގޮތާ މެދު ހިތްހަމަޖެހޭކަމަށެވެ.
ކޯޗް ނިކޯލާ ވިދާޅުވީ މި ފަދަ އިތުރު ކޭމްޕެއް ރާވަމަުންދާ ކަމަށާ އަވަސް މުއްދަތެއްގައި އިތުރު ކޭމްޕެއް ބޭއްވުމަށް މަސައްކަތް ކުރައްވާނެ ކަމަށެވެ.