ޖެނުއަރީ މަހު 236 މަސް ދޯންޏަކަށް 40 މިލިއަން ރުފިޔާގެ ފައިސާ ދޫކޮށްފައިވާކަމަށް މިފްކޯއިން ބުނެފި އެވެ.
މި އަހަރުގެ ޖެނުއަރީ މަހު މިފްކޯއިން ޖުމްލަ ދޫކޮށްފައިވަނީ 40،396،111.60 ރުފިޔާކަމަށް މިފްކޯއިން ބުނެފައިވެ އެވެ.
މިފްކޯއިން ބުނީ ނިމުނު މަސް ތެރޭ 2301.73 ޓަނުގެ މަސް މިފްކޯއަށް ކިރުވާފައިވާ ކަމަށެވެ. އެއީ 199 މަސް ދޯންޏަކުން ކަމަށާއި މި ދޯނިތަކުން ކިރުވި މަހަށް 36.98 މިލިއަން ރުފިޔާ ދޫކޮށްފައިވާކަމަށް މިފްކޯއިން ބުނެ އެވެ.
މިފްކޯއިން ބުނީ 10 ކިލޯއިން މަތީގެ ކަންނެލި މަހުގެ 80.45 ޓަނުގެ ކަންނެލި ކިރުވާފައިވާ ކަމަށެވެ. އެއީ 168 ދޯންޏަކުން ކަމަށާއި މި ދޯނިތަކަށް 1.61 މިލިއަން ރުފިޔާ ދޫކޮށްފައިވާކަމަށް މިފްކޯއިން ބުނެ އެވެ.
މީގެ އިތުރުން، 15 ކިލޯއިން މަތީގެ ކަންނެލީގެ 72.16 ޓަނުގެ ކަންނެލި ކިރުވާފައިވާ ކަމަށް މިފްކޯއިން ބުނެ އެވެ. އެއީ 148 ދޯންޏަކުން ކަމަށާއި މި ދޯނިތަކަށް 1.80 މިލިއަން ރުފިޔާ ދޫކޮށްފައިވާ ކަމަށް މިފްކޯއިން ބުނެ އެވެ.
ޖެނުއަރީ މަހު ޖުމްލަ 2454.34 ޓަނުގެ މަސް މިފްކޯއަށް ކިރުވާފައިވާކަމަށް މިފްކޯގެ ތަފާސްހިސާބުތަކުން ދައްކަ އެވެ.