ޕީއެންސީގެ ކެންޑިޑޭޓު ހޮވައިފި ނަމަ ބަޖެޓަށް ލުއި ވާނެ ކަމަށް ތިނަދޫ އުތުރު ދާއިރާގެ މަޖިލީސް މެމްބަރު ސައުދުﷲ ހިލްމީ ވިދާޅުވެއްޖެއެވެ.
ޕީޕަލްސް ނޭޝަނަލް ކޮންގްރެސް (ޕީއެންސީ)ގެ ތިނަދޫ ސިޓީ ކެމްޕެއިން އިފްތިތާހުކުރުމަށް ބޭއްވި ރަސްމިއްޔާތުގައި ވާހަކަދައްކަވަމުން ސައުދުﷲ ވިދާޅުވީ ޕީއެންސީގެ ކެންޑިޑޭޓެއް ތިނަދޫގެ މޭޔަރަކަށް ހޮވައްޖެ ނަމަ ދައުލަތުގެ ބަޖެޓަށް ލުއި ވާނެ ކަމަށެވެ.
ޕީއެންސީގެ ކެންޑިޑޭޓެއް ތިނަދޫގެ މޭޔަރަކަށް ހޮވައިފި ނަމަ އެކި އެކި ވިޔަފާރިވެރިން ކައިރިންނާއި ދުނިޔޭގެ އެތަން މިތަނަށް ދަތުރުކޮށްގެން ހިލޭ އެހީ ހޯއްދަވައިގެން ތިނަދޫގެ ކުރިއެރުމަށް މަސައްކަތްތަށް ކުރައްވާނެ ކަމަށް ސައުދުﷲ ވިދާޅުވިއެވެ.
ކުރިން ތިނަދޫ އަކީ އެ ސަރަހައްދުގައ އެންމެ ކުރިއަރަފައިވާ ރަށްކަން ފާހަގަކުރައްވާ ސައުދުﷲ ވިދާޅުވީ ރަށުގެ ހިންގުންތެރިކަން ދަށްވެފައިވުމުން ރަށުގެ ތަރައްގީ ވެސް ދަށަށް ގޮސްފައިވާ ކަމަށެވެ. އަދި އެކަން ބަދަލު ކުރެވޭނީ އެކަން ބަދަލުކުރުމަށް ދަރިން ތަރުބިއްޔަތުކޮށް ދިވެހި ހިދުމަތަށް އެ ދަރިން ނެރުމަށް ކުރެޗޭ މިންނަތް މަސައްކަތުން ކަމަށް އޭނާ ވިދާޅުވިއެވެ.
ގިނަ ކަންތައްތަކެއް ސަރުކާރުގެ ބަޖެޓާ ނުލައި ޕީއެންސީގެ ކެންޑިޑޭޓުން ކޮށްފައިވާކަން ސައުދުﷲ ފާހަގަކުރެއްވިއެވެ.
އޭނާ އިތުރަށް ވިދާޅުވީ ތިނަދޫ ޓާޝަރީ ހޮސްޕިޓަލް ގާއިމު ކުރުމުގެ މަސައްކަތް މިއަހަރު ފަށާފައިވާކަމަށެވެ.ސައުދުﷲ ވިދާޅުވީ މިހާރު އެ އިމާރާތްތައް އަޅަން ބޭނުންވާ ބިން ވަކި ކުރަން އެމްޓީސީސީ އިން ފަށާފައިވާކަމަށެވެ. އަދި އިމާރާތް ކުރުން އަވަސް މުއްދަތެއްގައި ފަށާނެ ކަމަށް އޭނާ ވިދާޅުވިއެވެ.
އޭނާ ވިދާޅުވީ އެންމެ ރަނގަޅު ގޮތަކީ ހޮސްޕިޓަލް މިހާރު ހުރި ތަނުގައި އައު އިމާރާތްތަށް ކުރުން ކަމަށެވެ.
މީގެ އިތުރުން ސައުދުﷲ ވިދާޅުވީ 2 އަތޮޅުގެ ރައްޔިތުންނަށް ފަސޭހަ އިން ހޮސްޕިޓަލަށް އާދެވޭނެ ގޮތަށް ހޮސްޕިޓަލް ބަހައްޓަން ޖޭކަމަށެވެ. އަދި މިހާރު އަޅަމުންދާ އިމާރާތުން ޓާޝަރީ ހޮސްޕިޓަލަކަށް ބޭނުންވާ ހުރިހާ ހިދުމަތެއް ލިބިގެންދާނެކަމަށް އޭނާ މައުލޫމާތުދެއްވިއެވެ.
އޭނާ ވިދާޅުވީ ލާރި ގިނަ ވެގެން ނޫޅޭކަމަށެވެ އަދި ހުދުމަތް އަވަސް ވެގެންވެސް ނޫޅޭ ކަމަށެވެ.
އެމްޑީޕީއިން މި ސަރުކާރުން ކުރާ ކޮންމެ މަސައްކަތަކަށް ވެސް ފާޑު ކިޔައި އެކި އެކި މަސައްކަތްތައް ހުއްޓުމަށް މަސައްކަތް ކުރަމުން އަންނަކަމަށް އޭނާ ވިދާޅުވިއެވެ.
އަދި އަމާޒަކީ ޕީއެންސީގެ ކެންޑިޑޭޓުން ހޮވުން ކަން ފާހަގަކޮށް ސައުދުﷲ ވިދާޅުވީ ރައްޔިތުން ޕީއެންސީ އަށް ދޭ ވޯޓަކީ ހިތާމަ ކުރާނެ ވޯޓަކަށް ނުވާނެ ކަން ޔަގީން ކަމަށެވެ. އެހެންކަމުން އަންނަ ކައުންސިލް އިންތިހާބުގައި ލާ ވޯޓު ބޭކާރު ކޮށްނުލާ ޕީއެންސީގެ ކެންޑިޑޭޓުންނަށް ދިނުމަށް އޭނާ އިލްތިމާސްކުރެއްވި އެވެ.