އުރީދޫ ނޭޝަން ގެ 2026 ކިކްއޮފް ޓޯނަމަންޓް ރަޖިސްޓްރޭޝަނަށް ހުޅުވާލައިފި އެވެ.
އުރީދޫ ނޭޝަންގެ 2026 ވަނަ އަހަރުގެ ފުރަތަމަ މުބާރާތް ރަސްމީކޮށް ފަށުމަށް ހަމަޖެހިފައިވަނީ އޯޕަން ސީރީޒް ސީޒަން 1 އާއެކު ކަމަށް އުރީދޫއިން ބުނެ އެވެ.
އޯޕަން ސީރީޒް ސީޒަން 1ގެ ކްލޭޝް ރޯޔާލް އަދި އީއޭއެފްސީ އަލްޓިމޭޓް ޓިމް ގައި ބައިވެރިވުމަށް މިހާރު އުރީދޫއިން ވަނީ ހުޅުވާލެވިފައެވެ. މި މުބާރާތްތަކަކީ ދިވެހި ގޭމް ކުޅޭ ފަރާތްތަކަށް ވަރަށް ފޯރިގަދަ ފެށުމަކަށް ވެގެންދާނެ ކަމަސް އުރީދޫއިން ބުނެ އެވެ.
ކްލޭޝް ރޯޔަލް - އޯޕަން ސީރީޒް ސީޒަން 1 އިނާމު ޕޫލްއަކީ 5،000 ރުފިޔާ ކަމަށް އެކުންފުނިން ބުނެ އެވެ. މި ބައި ކުރިއަށް ދާނީ އޮންލައިންކޮށް ކަމަށާއި މީގައި ބައިވެރިވުމަށް ރަޖިސްޓްރޭޝަންގެ ސުންގަޑިއަކީ 3 ފެބްރުއަރީ 2026 ވަނަ ދުވަހުގެ 11:59 ކަމަށް އެ ކުންފުނިން ބުނެ އެވެ. މި މުބާރާތް ފަށާނީ 6 ފެބްރުއަރީ 2026 ގައެވެ.
އީއޭއެފްސީ އަލްޓިމޭޓް ޓީމް - އޯޕަން ސީރީޒް ސީޒަން 1 ގެ އިނާމު ޕޫލްއަކީ ވެސް 5،000 ރުފިޔާ އެވެ. މި ބައި ވެސް އޮންލައިންކޮށް ކުރިއަށް ގެންދިޔުމަސް ހަމަޖެހިފައިވާއިރު މި ބައިގެ ރަޖިސްޓްރޭޝަންގެ ސުންގަޑިއަކީ 12 ފެބްރުއަރީ 2026 ގެ 11:59 ކަމަށް އުރީދޫއިން ބުނެ އެވެ. މި މުބާރާތް ފަށާ ތާރީހަކީ 16 ފެބްރުއަރީ 2026 އެވެ.
އުރީދޫ ނޭޝަންގެ ތެރެއިން / ފޮޓޯ: އުރީދޫ
މި ދެ ބައިގައި ވެސް ބައިވެރިވުމަށް ރަޖިސްޓްރޭޝަން ފީގެ ގޮތުގައި 50 ރުފިޔާ ނެގުމަށް ވަނީ ހަމަޖެހިފަ އެވެ.
އޯޕަން ސީރީޒް މުބާރާތްތަކަކީ ރާއްޖޭގެ އެކި ކަންކޮޅުތަކުގައި ތިބި ގޭމް ކުޅޭ ފަރާތްތަކަށް އެމީހުންގެ ހުނަރު ދައްކާލުމާއި، ގޭމިން ކޮމިއުނިޓީއާ ގުޅުވައި، ވާދަވެރި ޕްލެޓްފޯމްތައް ފަހިކޮށްދިނުމުގެ ގޮތުން ބާއްވާ މުބާރާތެއް ކަމަށް އުރީދޫއިން ބުނެ އެވެ. އުރީދޫ ނޭޝަންގެ މި މުބާރާތްތައް އޮންލައިންކޮށް ބޭއްވުމުގެ މަގުޞަދަކީ ހުރިހާ އަތޮޅެއްގެ ކުޅުންތެރިންނަށް ހަމަހަމަ އުސޫލުން ބައިވެރިވުމުގެ ފުރުސަތު ފަހިކޮށްދިނުމެވެ.
އީ-ސްޕޯޓްސް މެދުވެރިކޮށް ޑިޖިޓަލް ހުނަރުވެރިން ކުރިއަރުވައި ޒުވާނުންނަށް ފުރުސަތުތައް ފަހިކޮށްދިނުމުގައި އުރީދޫ ނޭޝަން އިން ދަނީ މުހިންމު ދައުރެއް އަދާކުރަމުންނެވެ.
މި އޯޕަން ސީރީޒަކީ އުރީދޫގެ ޑިޖިޓަލް ކޮމިއުނިޓީއެއް ބިނާކޮށް، ޓެކްނޮލޮޖީ، ކަނެކްޓިވިޓީ އަދި އީޖާދީ އުފެއްދުންތަކުގެ ތެރެއިން އަންނަން އޮތް ޖީލު ބާރުވެރިކުރުވުމަށް އުރީދޫއިން ގެންގުޅޭ ތަސައްވުރު ކަމަށް އުރީދޫއިން ބުނެ އެވެ. އުރީދޫ ނޭޝަންގެ 2026 ވަނަ އަހަރުގެ އީ-ސްޕޯޓްސް މޫވްމަންޓްގައި ބައިވެރިވުމަށް ރާއްޖޭގެ ހުރިހާ ގޭމަރުންނަށް ދައުވަތު ދޭ ކަމަށް އުރީދޫއިން ބުނެ އެވެ.
އުރީދޫ ނޭޝަންގެ އޯޕަން ސީރީޒް ގައި ރެޖިސްޓަރ ވުމަށްhttps://ore.do/arenaމި ލިންކު ބޭނުން ކުރެވޭނެ އެވެ.