މިއަހަރުގެ އޯލެވެލް އިމްތިޙާނުގައި 8000 އަށްވުރެ ގިނަ ދަރިވަރުން ރާއްޖެއިން ބައިވެރިވާ ކަމަށް އެޑިޔުކޭޝަން މިނިސްޓްރީގެ ތަފާސް ހިސާބުތަކުން ދައްކައިފި އެވެ.
މި އަހަރުގެ އޯ ލެވެލް އިމްތިހާނު މިއަދު އެސްއެސްސީ ދިވެހި މާއްދައިގެ އިމްތިހާނުން ވަނީ ފަށާފަ އެވެ. މި އިމްތިހާންތައް ކުރިއަށްދާނީ އަންނަ މާޗު މަހުގެ 6ވަނަ ދުވަހާ ހަމައަށެވެ.
8،218 ދަރިވަރުން އިމްތިހާނުގައި ބައިވެރިވާއިރު އިމްތިހާނުތައް ކުރިއަށް ދަނީ 267 ސެންޓަރެއްގަ އެވެ. މާލޭގައި 21 ސެންޓަރެއްގައި އިމްތިހާނުތައް ކުރިއަށް ދާއިރު އަތޮޅުތަކުގެ 246 ސެންޓަރެއްގައި އިމްތިހާންތައް ކުރިއަށްދާނެ ކަމަށް އެޑިޔުކޭޝަން އިން ބުނެ އެވެ.
މިހާރު އޮންނަ އުސޫލުގެ ދަށުން އޯލެވެލް ހަދާ ދަރިވަރުން މަޖުބޫރު ހަތަރު މާއްދާގެ އިމްތިހާނުގައި ފުރިހަމައަށް ބައިވެރިވާން ޖެހޭނެ އެވެ. އަދި އެ މާއްދާތަކަށް ފައިސާދައްކާނީ ސަރުކާރުންނެވެ. ދަރިވަރުން ކިޔަވާ މަޖުބޫރު މާއްދާތަކަކީ އިސްލާމް، ދިވެހި، އިނގިރޭސި އަދި ހިސާބު މާއްދާއެވެ.