4 ރަށެއްގައި މަސްދަޅު ގޭބިސީތަކާ ހަވާލުކޮށް ނިންމާފައިވާ ކަމަށް މިނިސްޓްރީ އޮފް ސިޓީސް ލޯކަލް ގަވަރމަންޓް އެންޑް ޕަބްލިކް ވޯކްސް އިން ބުނެފިއެވެ.
މިނިސްޓްރީ އޮފް ސިޓީސް ލޯކަލް ގަވަރމަންޓް އެންޑް ޕަބްލިކް ވޯކްސް އިން އާންމުކޮށްފައިވާ ބަޔާނެއްގައި ބުނީ މިހާރު ތިން އަތޮޅެއްގެ 4 ރަށެއްގައި މަސްދަޅު ގޭބިސީތަކާ ހަވާލުކޮށް ނިންމާފައިވާކަމަށެވެ.
އެގޮތުން ހއ. މުރައިދޫ، ހދ. ފިނޭ އާއި ނޮޅިވަރަންފަރު އަދި ޅ. އޮޅުވެލިފުށީ މިހާރު ވަނީ މަސްދަޅު ގޭބިސީތަކާ ހަވާލުކޮށް ނިމިފައިކަމަށް ސިޓީސް ލޯކަލް ގަވަރމަންޓް އެންޑް ޕަބްލިކް ވޯކްސް އިން މައުލޫމާތުދެއެވެ.
މަސްދަޅު ދޫކޮށްފައިވާ ގޭބިސީތަކުގެ އަދަދަށް ބަލާލާއިރު ހއ. މުރައިދޫ އިން 137 ގޭބިސީ، ހދ. ފިނޭ އިން 100 ގޭބިސީ ހދ.ނޮޅިވަރަންފަރުން 350 ގޭބިސީ އަދި ޅ. އޮޅުވެލިފުށީން 137 ގޭބިސީއަށް މަސްދަޅު ދޫކޮށްފައިވާކަމަށް މިނިސްޓްރީއިން ބުނެއެވެ.
މީގެ އިތުރުން ނ. އަތޮޅުގެ ހުރިހާ ރަށަކަށް މަސްދަޅު ފޮނުވާ ނިމިފައިކަމަށާއި، ހއ އަތޮޅުގެ 3 ރަށަކަށް މަސް ދަޅު ފޮނުވާފައިވާއިރު، ހދ. ނޮޅިވަރަމުގައި މަސްދަޅު ކޭސް ބެހުމުގެ މަސައްކަތް ކުރިއަށްގެންދާކަމަށް މިނިސްޓްރީން ބުނެއެވެ. އަދި ޅ އަތޮޅުގެ 4 ރަށަކަށް މަސްދަޅު ފޮނުވާފައިވާކަމަށް ވެސް މައުލޫމާތުދެއެވެ.
މި އަހަރުގެ ރޯދަ ހަދިޔާގެ ގޮތުގައި ޖުމުލަ 118,673 މަސްދަޅު ކޭސް ބަހަން ހަމަޖެހިފައިވާކަމަށް މިނިސްޓްރީ އޮފް ސިޓީސް ލޯކަލް ގަވަރމަންޓް އެންޑް ޕަބްލިކް ވޯކްސް އިން ބުނެއެވެ.