ގެއްލިގެން ހޯދަމުންދިޔަ ޏ. ފުވައްމުލަކު، ދޫޑިގަން، ދުންފިނިގެ، ޢަބްދުލްޢަޒީޒު މުޙައްމަދު (64އ) ފެނިފައިވާ ކަމަށާއި، އޭނާގެ ހާލު ރަނގަޅު ކަމަށް ފުލުހުން ބުނެފިއެވެ.
ފުލުހުން މައުލޫމާތު ދިން ގޮތުގައި، ޢަބްދުލްޢަޒީޒު ވަނީ އޭނާގެ އާއިލާއަށާއި ފުވައްމުލައް ޕޮލިސް ސްޓޭޝަނަށް ގުޅައި، އޭނާ ހުރީ ތިލަފުށީގައި ކަމާއި ހާލު ރަނގަޅު ކަމުގެ މައުލޫމާތު ހިއްސާކޮށްފައެވެ.
މުދާ އުފުލާ ދޯނިފަހަރުގައި މަސައްކަތްކުރާ ޢަބްދުލްޢަޒީޒުގެ ޚަބަރެއް ނުވެގެން އާއިލާއިން ފުލުހުންނަށް ރިޕޯޓުކުރީ އޭނާގެ ޚަބަރެއް އެންމެ ފަހުން ވެފައިވަނީ 2025 ސެޕްޓެމްބަރު 3 ގައި ކަމަށްވާތީއެވެ.
އަދި އޭނާ އެންމެ ފަހުން ފެނިފައިވަނީ ނޮވެމްބަރު މަސްތެރޭގައި މާލޭގެ އައިޖީއެމްއެޗް ކައިރިން ކަމަށް އާއިލާއިން ކުރިން ބުނެފައިވެއެވެ.