މަސްދޯނިފަހަރުން 24 ޖަނަވަރީ 2026 ގެ ނިޔަލަށް މިފްކޯ އަށް މަސްކިރުވި ދޯނިތަކަށް 1.3 މިލިއަނަށްވުރެ ގިނަ ރުފިޔާ ދޫކޮށްފިއެވެ.
މީގެ ތެރޭގައި މިފްކޯއަށް ކިރުވާ ކަންނެލީގެ ފައިސާ ވެސް ހިމެނޭކަމަށް މިފްކޯއިން ބުނެ އެވެ. މިފައިސާ ޖަމާކޮށްފައިވަނީ 26 ޖަނަވަރީ 2026 ވަނަ ދުވަހުއެވެ.
ކަޅުބިލަމަހާއި ކަންނެލި މަސްދޯނިތައް ހިމެނޭހެން ޖުމްލަ 56 ދޯންޏަކުން ކިރުވި މަހަށް 1،361،613.62 ރުފިޔާ ދޫކޮށްފައިވާކަމަށް ވެސް މިފްކޯއިން ބުނެ އެވެ.
މިފްކޯއިން ފައިސާ ދޫކުރި ގޮތުގެ ތަފްސީލަށް ބަލާއިރު، 30 މަސްދޯންޏަކުން ކިރުވި ކަޅުބިލަ މަހަށްވާ 1،170،125.62 ރުފިޔާ ދޫކޮށްފައިވެ އެވެ. އަދި 16 ދޯންޏަކުން ކިރުވި ކަންނެލި، 10 ކިލޯއިން މަތި މަހަށްވާ 147،585 ރުފިޔާ އާއި 10 ދޯންޏަކުން ކިރުވި ކަންނެލި، 15 ކިލޯއިން މަތި މަހަށްވާ 43،630.00 ރުފިޔާ ދޫކޮށްފައިވެއެވެ.
މަސްވެރިން ބާނާ މަހަށް 48 ގަޑިއިރުގެ ތެރޭގައި ފައިސާ ދޫކުރުމަށް ސަރުކާރުން އަންނަނީ މަސައްކަތް ކުރަމުންނެވެ.
މީގެއިތުރަށް މަސްވެރިން ބާނާ މަހަށް ހަމަ އަގު ހޯދައިދިނުމާއި، ފައިސާ ދޫކުރުމުގެ އިންތިޒާމުތައް ހަރުދަނާކުރުމަށް ވެސް ސަރުކާރުން މަސައްކްތަ ކުރެ އެވެ.