"ވޯކްޝޮޕް އޮން ބަޔޯސެކިއުރިޓީ ފޯ އިމްޕޯޓް އެންޑް އެކްސްޕޯޓް އޮފް ޕްލާންޓް ޕްރޮޑަކްޓްސް އިންޓު ދަ މޯލްޑިވްސް" ގެ ނަމުގައި ތަމްރީނު ޕްރޮގްރާމެއް ފަށައިފިއެވެ.
މި ތަމްރީން ޕްރޮގްރާމް ކުރިއަށްދާނީ މި މަހުގެ 25 އިން 29 އަށް މީރުމާގައިކަމަށް މިނިސްޓްރީ އޮފް ފިޝަރީޒް އަދި އޯޝަން ރިސޯސަސް އިން މައުލޫމާތުދެއެވެ.
މިއީ މިނިސްޓްރީ އޮފް ފިޝަރީޒް އޯޝަން ރިސޯސަސް އިން ވޯލްޑް ބޭންކުގެ އެހީގައި ކުރިއަށް ގެންދާ މޯލްޑިވްސް ޓްރާންސްފޯމިންގ ފިޝަރީޒް ސެކްޓަރ މެނޭޖްމަންޓް އިން ދި ސައުތު ވެސްޓް އިންޑިއަން އޯޝަން ރީޖަން އެންޑް މޯލްޑިވްސް ޕްރޮޖެކްޓް (ޓްރާންސްފޯމް) ގެ ދަށުން ކުރިއަށް ގެންދާ ތަމްރީން ޕްރޮގްރާމެކެވެ.
މި ވޯކްޝޮޕްގެ މައިގަނޑު މަޤްޞަދަކީ އިންސްޓިޓިއުޝަނަލް ކެޕޭސިޓީ އިތުރުކުރުމާއި، ބޯޑަރ އަދި ރެގިއުލޭޓަރީ އޭޖެންސީތަކުގެ މެދުގައި ގުޅުން ބަދަހިކުރުމާއި، ޓްރާންސްބައުންޑަރީ މޫވްމަންޓްސް ކޮންޓްރޯލް ކުރުން ހަރުދަނާކުރުން ކަމަށް ބުނެއެވެ. އަދި މި ތަމްރީނުގައި ސަރަހައްދީ އަދި ބައިނަލްއަޤުވާމީ ބެސްޓް ޕްރެކްޓިސްތަކާ އެއްގޮތްވާ ގޮތުގެމަތިން ބޯޑަރު ކޮންޓްރޯލް ކުރުމާއި މިޓިގޭޝަން ފިޔަވަޅުތަކަށް އަލިއަޅުވާލާނެކަމަށް މައުލޫމާތުދެއެވެ.
މި ޕްރޮގްރާމްގެ ފުރަތަމަ ދުވަސް އަމާޒުކުރަނީ މަލްޓިސްޓޭކްހޯލްޑަރ ވޯކްޝޮޕް އޮން ބަޔޯ ސެކިއުރިޓީއާ ބެހޭ ތަމްރީނު ދިނުމަށް ކަމަށާއި ދެވަނަ ދުވަހުން ފެށިގެން ފަސްވަނަ ދުވަހާ ހަމައަށް އަމާޒުކުރަނީ ޕެސްޓް ރިސްކް އެސެސްމަންޓް، ޑިޒީޒް ސަރވެއިލެންސް އަދި ހެލްތު ސެޓިފިކޭޝަން ސިސްޓަމްތަކާއި ގުޅޭ ޓެކްނިކަލް ތަމްރީނުތައް ދިނުމަށް ކަމަށް ބުނެއެވެ.
މި ވޯކްޝޮޕްގައި ބަޔޯ ސެކިއުރިޓީ ރެގިއުލޭޝަން، ބޯޑަރ ކޮންޓްރޯލް، ސަރވެއިލެންސް އަދި ޕަބްލިކް ހެލްތުގެ ދާއިރާގައި ހަރަކާތްތެރިވާ އިސް ފަރާތްތަކުން ބައިވެރިވެ ވަޑައިގަންނަވާނެއެވެ.
އެގޮތުން މިނިސްޓްރީ އޮފް އެގްރިކަލްޗަރ އެންޑް އެނިމަލް ވެލްފެއަރ، މިނިސްޓްރީ އޮފް ފިޝަރީޒް އެންޑް އޯޝަން ރިސޯސަސް، މޯލްޑިވްސް ކަސްޓަމްސް ސަރވިސް، މިނިސްޓްރީ އޮފް ޓޫރިޒަމް އެންޑް އެންވަޔަރަންމަންޓް (އެންވަޔަރަންމަންޓަލް ރެގިއުލޭޝަން އޮތޯރިޓީ – އީ.އާރް.އޭ)، މޯލްޑިވްސް އެއަރޕޯޓްސް ކޮމްޕެނީ ލިމިޓެޑް (އެމް.އޭ.ސީ.އެލް)، މޯލްޑިވްސް ޕޯޓްސް ލިމިޓެޑް (އެމް.ޕީ.އެލް)، މޯލްޑިވްސް ފުޑް އެންޑް ޑްރަގް އޮތޯރިޓީ (އެމް.އެފް.ޑީ.އޭ) އަދި ހެލްތް ޕްރޮޓެކްޝަން އެޖެންސީ (އެޗްޕީއޭ) ބައިވެރިވެ ވަޑައިގަންނަވާނެއެވެ.