ރާއްޖޭގެ އިސްލާމީ މުގައްރަރު ޒަމާނަށް ފެތޭގޮތަށް މި ޒަމާނުގެ ޖީލަށް ވިސްނޭހެން ފަސޭހަ އިބާރާތަކުން އަލުން ލިޔަންޖެހޭކަމަށް ވިސްނިވަޑައިގަންނަވާކަމަށް އިސްލާމިކް މިނިސްޓަރ ޑރ މުހައްމަދު ޝަހީމް އަލީ ސައީދު ވިދާޅުވެއްޖެއެވެ.
މިނިސްޓަރ މިހެން ވިދާޅުވީ ދިވެއްސަށް ކޮށިވެ އިސްލާމްވެސް އިނގިރޭސިން ކިޔަވައިދޭ ހިސާބުގައި މި މައުލޫގައި އޮންލައިން ނޫހަކުން ޝާއިއުކުރި ރިޕޯޓެއް ޝެއާ ކުރައްވާ ސޯޝަލް މީޑިޔާގައި ކުރެއްވި ޕޯސްޓެއްގައެވެ. މިނިސްޓަރ ވިދާޅުވީ ފޮތުގެ ވައްޓަފާޅިއާއި ލޭއައުޓްވެސް ބަދަލުވާންޖެހޭކަމަށެވެ. އިސްލާމް މުޣައްރަރުގެ ކޮންމެހެން މުހިއްމު ބައިތައް ހިމެނުމަށްފަހު ގްރޭޑު އަދި އުމުރާ ގުޅޭގޮތަށް އަލުން ތަރައްގީކުރަން ފެނިވަޑައިގަންނަވާކަމަށް މިނިސްޓަރ ވިދާޅުވިއެވެ.
"އިސްލާމް މާއްދާގައި އެއް ފޮތެއްގެ ތެރޭގައި އިސްލާމީ އެކި ދާއިރާތަކުގެ ބައިވަރު މައުޟޫތައް ހުރި ހުރުން ވެސް އެކި މަރުހަލާތަކަށް ވަކި މާއްދާތަކުގެ ގޮތުގައި ބަހާލުން ވެސް ރަނގަޅު ކަމަށް ފެނޭ، އިސްލާމް މާއްދާގަ އެއް ފޮތެއްގެ ތެރޭ އިސްލާމީ އެކި ދާއިރާތަކުގެ ބައިވަރު މައުލޫތައް ހުރި ހުރުންވެސް އެކި މަރުހަލާ ތަކަށް ވަކި މާއްދާތަކުގެ ގޮތުގައި ބަހާލުންވެސް ރަނގަޅުކަމަށް ފެނޭ." މިނިސްޓަރ ވިދާޅުވިއެވެ.
މިނިސްޓަރ އިތުރަށް ވިދާޅުވީ އިސްލާމީ މާއްދާ ބޮޑަށް ދަރިވަރުންނަށް ފަހުމް ވާނީ އިނގިރޭސިބަހުން ކަމަށްވާނަމަ އެ މާއްދާ އިނގިރޭސި ބަހުން ކިޔަވާ ދިނުމަކީ އެއްވެސް މައްސަލައެއް އޮތް ކަމަކަށް ދެކިވަޑައިނުގަންނަވާކަމަށް މިނިސްޓަރ ވިދާޅުވިއެވެ. ދިވެހި ބަސް މާއްދާއެއްގެ ގޮތުގައި ކިޔަވައިދިނުމުން ދިވެހި ބަސް ކުރިއަރާނެކަމަށާއި ދިވެހި ބަސް އެންމެ ބޭނުންވާ މިންވަރަށް ކުރިއަރުވަން ބޭނުންނަމަ ތައުލީމީ ނިޒާމް އެއްކޮށް ދިވެހި ބަހަށް ބަދަލުކުރަންޖެހޭނެކަމަށް މިނިސްޓަރ ވިދާޅުވިއެވެ. މިނިސްޓަރ ވިދާޅުވީ އެއީ ރާއްޖެއަށް އެންމެ މުނާސަބު ގޮތްކަމަށް ނުވެދާނެކަމަށް މިނިސްޓަރ ވިދާޅުވިއެވެ.
މިނިސްޓަރ ވިދާޅުވީ މިއީ މިކަމުގައި އެމަނިކުފާނަށް ފެނިވަޑައިގަންނަވާ އަމިއްލަ ޚިޔާލުކަމަށެވެ.