ވެނެޒުއޭލާގައި މިނިވަން އަދި އިންސާފުވެރި އިންތިހާބެއް ބޭއްވުމަށް ބައިނަލްއަގުވާމީ މައިދާނުގައި ބާރުއަޅަމުންދާ ދަނޑިވަޅުގައި، އެ ގައުމުގެ އިންތިހާބާ ގުޅޭ ތާވަލަކާ ބެހޭގޮތުން ވަކި އެއްޗެއް ބުނަން އެމެރިކާގެ ވައިޓް ހައުސްއިން ދެކޮޅު ހަދައިފިއެވެ.
ވައިޓް ހައުސްގެ ތަރުޖަމާނު ކެރޮލީން ލީވީޓްއާ ހަވާލާދީ ބައިނަލްއަގުވާމީ މީޑިއާތަކުން ރިޕޯޓްކޮށްފައިވާ ގޮތުގައި، ވެނެޒުއޭލާގެ އިދިކޮޅު ލީޑަރު މާރިއާ ކޮރީނާ މަޗާޑޯއާ އެކު ބާއްވާ ބައްދަލުވުމުގައި އިންތިހާބުގެ ތާރީހުތަކާ ގުޅޭގޮތުން މަޝްވަރާކުރުމަކީ ކުރިން ރޭވިފައިވާ ކަމެއް ނޫނެވެ.
ލީވީޓް ބުނީ ޓްރަމްޕް އެ ބައްދަލުވުމަށް ދިޔައީ ވަކި ކަންތައްތަކެއް ނިންމައިގެން ނުވަތަ މަޗާޑޯގެ ފަރާތުން ވަކި ހާއްސަ ވާހަކަތަކެއް އަޑުއެހުމުގެ އުންމީދުގައި ނޫން ކަމަށެވެ.
ވެނެޒުއޭލާގެ ސިޔާސީ މަސްރަހު މިހާރު އޮތް ގޮތުން، އެ ގައުމުގެ ރައީސް ނިކޮލަސް މަޑޫރޯގެ ސަރުކާރާ ދެކޮޅަށް އެމެރިކާއިން ވަނީ ހަރުކަށި ފިޔަވަޅުތަކެއް އަޅާފައެވެ. ނަމަވެސް، އިންތިހާބު ބާއްވާނެ ވަކި ތާރީހެއް ކަނޑައެޅުމާ ގުޅޭގޮތުން ވައިޓް ހައުސްއިން މިވަގުތު ހަނުހުރުމަކީ އެމެރިކާގެ ޚާރިޖީ ސިޔާސަތަށް އަންނަމުންދާ ބަދަލުތަކެއްގެ ގޮތުގައި މަސްރަހު ދިރާސާކުރާ ފަރާތްތަކުން ދެކެއެވެ.