ބަންގްލަދޭޝްއަށް ދާ ރައްޔިތުންނަށް ދޫކުރާ އޮން އެރައިވަލް ވިސާ ދޫކުުރުން ވަގުތީގޮތުން މެދުކަނޑައިލުމަށް ނިންމައިފި އެވެ.
ފޮރިން މިނިސްޓްރީން ވަނީ ބަންގްލަދޭޝް އިން ދޫކުރާ އޮން އެރައިވަލް ވިސާ ދޫކުރުން މަސް ދުވަހުގެ މުއްދަތަށް މެދުކަނޑައިލުމަށް ނިންމާފައިވާތީ އެކަމަށް ދިވެހިން ސަމާލުވުމަށް އިލްތިމާސްކޮށްފަ އެވެ.
ބަންގްލަދޭޝްގެ އޮން އެރައިވަލް ވިސާ ދޫކުރުން މެދުކަނޑާލުމަށް ނިންމީ އަންނަ ފެބްރުއަރީ މަހުގެ 12 ވަނަ ދުވަހު ބަންގްލަދޭޝްގައި ބޭއްވުމަށް ހަމަޖެހިފައިވާ އެގައުމުގެ ރައްޔިތުންގެ މަޖިލީހުގެ އިންތިޚާބާ ގުޅިގެންނެވެ. އޮން އެރައިވަލް ވިސާ ދޫކުރުން މެދުކަނޑައިލުމަށް ނިންމާފައިވަނީ 15 ޖެނުއަރީ 2026 އިން ފެށިގެން 15 ފެބްރުއަރީ 2026 ގެ ނިޔަލަށެވެ.
އެހެންކަމުން، މި މުއްދަތުގެ ތެރޭގައި ބަންގްލަދޭޝްއަށް ދަތުރުކުރަން ގަސްދުކުރާ ދިވެހި ރައްޔިތުން، ދަތުރުގެ ކުރިން ދިވެހިރާއްޖޭގައި ހުންނަ ބަންގްލަދޭޝްގެ ހައި ކޮމިޝަނުން ބޭނުންވާ ވިސާ ނެގުމަށް އިލްތިމާސްކޮށްފައިވެ އެވެ.
ބަންގްލަދޭޝްގެ އޮން އެރައިވަލް ވިސާއާ ގުޅޭ އިތުރު ތަފުސީލީ މައުލޫމާތުމި ލިންކުންފެނިވަޑައިގަންނަވާނެ އެވެ.
ދިވެހިރާއްޖޭގައި ހުންނަ ބަންގްލަދޭޝްގެ ހައިކޮމިޝަންއަށް 3320859 ނަމްބަރުން ގުޅޭނެ އެވެ. އަދި mission.male@mofa.gov.bd އަށް މެއިލް ކުރެއްވޭނެ އެވެ. ދިވެހިރާއްޖޭގައި ހުންނަ ބަންގްލަދޭޝްގެ ހައިކޮމިޝަން ހުންނަނީ ހުޅުމާލެ ލޮޓް ނަމްބަރު 10982، ނިރޮޅުމަގު 16ގަ އެވެ.