އެތުލީޓުން ތަމްރީންކުރާ މީހަކަށް ޖިންސީ ގޯނާގެ ތުހުމަތު ކުރެވޭ މައްސަލައެއް ފެންމަތިވެއްޖެ އެވެ.
ފުލުހުން ބުނީ ރާއްޖޭގެ ކުޅިވަރު އެސޯސިއޭޝަންއެއްގައި އެތުލީޓުން ތަމްރީން ކުރުމުގެ ޒިންމާ އޮތް މީހެއްގެ މައްޗަށް ޖިންސީ ގޯނާ ކުރިކަމުގެ ތުހުމަތުކުރެވޭ މައްސަލައެއް ފުުހުންގެ ސަމާލުކަމަށް އައިސްފައިވާ ކަމަށެވެ.
އެ މައްސަލަ މިޙާރު ފުލުހުން ތަހުގީގު ކުރަމުންދާ ކަމަށާއި އެހެންނަމަވެސް މިހާތަނަށް މީހަކު ހައްޔަރުކޮށްފައި ނުވާ ކަމަށް ފުލުހުން ބުނެ އެވެ.
އެއީ ކާކުކަން އަދި ކޮން ކުޅިވަރު އެސޯސިއޭޝަންއެއްގެ މީހެއްކަން ވެސް ފުލުހުން ބުނެދީފައެއް ނުވެ އެވެ.
އެހެންނަމަވެސް ފުލުހުން މިކަން ހިއްސާކުރީ ވޮލީބޯޅަ އެސޯސިއޭޝަންގައި ކުޅުންތެރިން ތަމްރީންކުރާ މީހެއްގެ މިފަދަ މައްސަލައެއް ބަލަމުންދާކަން ޔަގީންކުރުމަށް ފުލުހުންގެ މީޑިއާ ގްރޫޕުގައި ނޫސްވެރިއަކު ސުވާލުކުރުމުންކަން ފާހަގަކޮށްލެވެ އެވެ.