ވޭތުވެ ދިޔަ 2 އަހަރު ދުވަހުގެ ތެރޭގައި އިތުރު ދެ އަމާން ވެއްޓެއް ގާއިމުކޮށްފައިވާނެކަމަށް އިޖުތިމާއީ އަދި އާއިލީ ތަރައްގީ އާ ބެހޭ ވުޒާރާގެ ސްޓޭޓް މިނިސްޓަރު އިބްރާހިމް އިސްމާއިލް ވިދާޅުވެއްޖެއެވެ.
ވީޓީވެ ފަސްމަންޒަރު ޕްރިގުރާމުގައި ވާހަކަފުޅު ދައްކަވަމުން އިބްރާހިމް އިސްމާއިލް ވިދާޅުވީ ވޭތުވެ ދިޔަ 2 އަހަރު ދުވަހުގެ ތެރޭގައި މިހާރު ހުރި އަމާންވެށިތަކުގެ އިތުރުން ދެ އަމާން ވެއްޓެއް ގާއިމުކޮށް، މިހާރު ގާތްގަނޑަކަށް ހުރިހާ އަތޮޅެއްގައި އަމާންވެށިތައް ގާއިމުކޮށްފައިވާކަމަށެވެ.
އެގޮތުން އދ. އަތޮޅު، އއ. އަތޮޅު، އަދި ރ. އަތޮޅު ނޫން ކޮންމެ އަތޮޅެއްގައިވެސް ދައުލަތުގެ ބެލެމުގެ ދަށުގައި ތިބޭ ކުދިން ރައްކާތެރިކަމާ އެކު ބެލުމަށް ޓަކައި ގާއިމުކޮށްފައިވާ އަމާންވެށިތަށް ހުންނާނެ ކަމަށް އިބްރާހިމް އިސްމާއިލް ވިދާޅުވިއެވެ.
ހަމަ މިއާއެކު 2024 އަދި 2025 ގައި ދެ ތަނެއް އިޖުތިމާއީ އަދި އައިލީ ތަރައްގީ އާ ބެހޭ ވުޒާރާއިން ހުޅުވާފައިވާކަން އިބްރާހިމް އިސްމާއިލް ފާހަގަކުރެއްވިއެވެ. އަދި އަމާން ވެއްޓެއް ހުޅުވައި ކުދިން ގެންދިއުމުގެ ކުރީގައި އެތަނަށް މުވައްޒަފުން ތަމްރީނު ކުރާ ކަމަށް އިބްރާހިމް އިސްމާއިލް ވިދާޅުވިއެވެ.
މީގެ އިތުރުން އެ މުވައްޒަފުންނަށް އެކުދިން ގެންގުޅުމާ ބެހޭ ގޮތުން ދޭންޖެހޭ ތަމްރީނުތައްވެސް ދެމުން ގެންދާކަމަށް އިބްރާހިމް އިސްމާއިލް ވިދާޅުވިއެވެ.
ހަމަ މިއާއެކު އުމުރުން 18 ވެފައިވާ ކުދިން ދޫކޮށް ނުލާނެކަން ފާހަކުރައްވާ އެކުދިންނަށް ވަޒީފާގެ ފުރުސަތުތައްވެސް ހޯދައިދީފައިވާނެކަމަށް އިބްރާހިމް އިސްމާއިލް ވިދާޅުވިއެވެ.