ކުށް ހިންގާ ސަރަހައްދުތައް 280142( ދެލައްކަ އައްޑިހަ ހާސް އެއްސަތޭކަ ސާޅީސް ދޭއް) ފަހަރު ބަލާ ފާސްކޮށްފައިވާނެކަމަށް ސުޕްރިންޓެންޑެންޓް އޮފް ޕޮލިސް އަބްދުﷲ ރަޝީދު ވިދާޅުވެއްޖެއެވެ.
އިސްކަންދަރު ކޮށީގައި ބޭއްވި ނޫސްވެރިންގެ ބައްދަލުވުމެއްގައި ވާހަކަފުޅުދައްކަވަމުން ރަޝީދު ވިދާޅުވީ މާލެ އަކީ އަމާން ރައްކާތެރި ތަނަކަށް ހެދުމަށް އެކި އެކި ކުށް ހިންގާ ސަރަހައްދުތައް 280142 ( ދެލައްކަ އައްޑިހަ ހާސް އެއްސަތޭކަ ސާޅީސް ދޭއް) ފަހަރު ބަލާ ފާސްކޮށްފައިވާނެކަމަށެވެ.
މީގެ އިތުރުން ޕޮލިސް ސްޓޭޝަން ތަކުން ކޮށްފައިވާ މަސައްކަތްތަކަށް ބަލާއިރު ރައްޔިތުންގެ އެކި އެކި ޝަކުވާތަކަށް 18827 (އަޝާރަހާސް އައްސަތޭކަ ހަތާވީސް) ރެސްޕޮންއަކަށް ޑިސްބެޗް ކޮށްފައިވާނެކަމަށް ރަޝީދު ފާހަގަކުރެއްވިއެވެ.
އަދި ހަމަ އެއާއެކު އެކި އެކި ގަވާއިދުތަކާ ގާނޫނުތަކާ ހިލާފުވާ ފަރާތްތައް 766 ފަހަރު ޖޫރިމަނާ ކޮށްފައިވާކަމަށާއި އެކި އެކި ކުށް ކުރާ އަދި ތަކުރާރުކޮށް ކުށްކުރާ މީހުން ކުށުގެ އަމަލު ހިންގުމުގެ ކުރިން ކުށް ކުރަން އުޅޭ ކަމަށް ޝައްކުކުރެވިގެން 58544 (ފަންސާސް އައްހާސް ފަސްސަތޭކަ ސާޅީސް ހަތަރެއް) ފަހަރު ހުއްޓުވައި ސުވާލު ކޮށްފައިވާނެކަމަށް ރަޝީދު ވިދާޅުވިއެވެ.
މީގެ އިތުރުން ހާއްސަކޮށް ކަނޑައަޅާފައިވާ ބައެއް ސަރަހައްދުތަކުގައި، ފުލުހުން ރައްޔިތުންނާ ގާތުން މަސައްކަތްކޮށްފައިވާކަން ފާހަގަކުރައްވާ ރަޝީދު ވިދާޅުވީ ރައްޔިތުންގެ ޝަކުވާތަކާއި ކަންބޮޑުވުންތަށް ދެނެގަނެގަތުމުގެ އިތުރުން އެތަންތަނުގައި ހުރި ކަންބޮޑުވުންތަށް ނުވަތަ ކުށަކަށް ހުށެހެޅިދާނެ ކަންކަން ދެނެގަތުމަށްޓަކައި ފައި މަގުގަ 10،627 (ދިހަހާސް ހަސަތޭކަ ހަތާވީސް) ގަޑިއިރު ފުލުހުން މަސައްކަތްކޮށްފައިވާނެކަމަށެވެ.
މީގެ އިތުރުން 1231 (އެއްހާސް ދުވިސައްތަ ތިރީސް އެކެއް) މީހަކު މި އަހަރު ހައްޔަރުކޮށްފައިވާކަމަށް ރަޝީދު ވިދާޅުވިއެވެ. އަދި އެކި ކަހަލަ އުޅަނދުތަށް ބަލާފާކޮށްފާ ވާކަން ފަހަގަކޮށް 13445 ( ތޭރަ ހާސް ހަތަރު ސަތޭކަ ސާޅިސް ފަހެއް) އުޅަނދު ބަލައި ފާސްކޮށްފައިވާނެކަމަށް ރަޝީދު މައުލޫމާތުދެއްވިއެވެ.
ހަމަ މިއާއެކު މަގުމަތީގައި ކުށުގެ ތެރެގައި އުޅޭ ފަރާތްތަށް 2721 (ދެހާސް ހަތްސަތޭކަ އެކާވީސް) ފަހަރު ހުއްޓުވާ ބަލާފާސް ކޮށްފައިވާނެކަމަށް ފާހަގަކުރެއްވިއެވެ. އަދި ދިވެހި ރާއްޖޭގެ ގަވާއިދާ ހިލާފަށް އުޅޭ ބިދޭސީންގެ ތެރެއިން 56 މީހަކު އިމިގުރޭޝަން އަށް ހަވާލުކޮށްފައިވާނެ ކަމަށް ރަޝީދު ފާހަގަކުރެއްވިއެވެ.
މީގެ އިތުރުން ޑިސެމްބަރު 17 ދަންވަރު ބޭރުގައި އުޅޭ ބިދޭސީން ބަލައިފާސް ކުރުމުގެ ތެރޭގައި ޖުމްލަ 102 މީހަކަށް ސުވާލު ކޮށްފައިވަކަމަށް ރަޝީދު ފާހަގަކުރެއްވިއެވެ.
ހަމަ މިއާއެކު ދުންފަތާ ދެކޮޅަށް ކުރާ މަސައްކަތުގައި މިހާރު ޕޮލިސް ސްޓޭޝަން ތަކުން 8 އޮޕަރޭޝަނެއް ކުރިއަށް ގެންދަމުން ދާކަން ފާހަގަކުރައްވާ 15 ފަރާތަކަށް ފިޔަވަޅު އަޅާފައިވަކަމަށާއި މަގު މަތީ އަގުން 7341961 ( ހަތް މިލިއަން ތިންލައްކަ ސާޅިސް އެއްހާސް ނުވަސްތޭކަ ފަސްދޮޅަސް އެކެއް) ރުފިޔާގެ ދުންފަތުގެ އިސްތިއުމާލު ކުރަން ބޭނުންކުރެވޭ އެއްޗެހި އަތުލާފައިވާކަމަށް ރަޝީދު ވިދާޅުވިއެވެ. އަދި ނަގުދު ފައިސާގެ ގޮތުގައި 294240 (ދެލައްކަ ނުވަދިހަ ހަތަރު ހާސް ދުވިސައްތަ ސާޅިސް) ރުފިޔާ ފުލުހުންގެ ބެލުމުގެ ދަށަށް ގެނެސްފައިވާނެކަމަށް ރަޝީދު ވިދާޅުވިއެވެ.