10 Jan 2018, 11:55
ރައީސުލްޖުމްހުރިއްޔާގެ އަނބިކަނބަލުން މެޑަމް ފާތިމަތު އިބްރާހިމް މާލޭގެ ސްކޫލުތަކުގެ ޕްރިންސިޕަލުންނާއި ބައްދަލުކޮށް، ދަތިތައް އޮޅުންފިލުވައިފިއެވެ.
އިއްޔެ މުލީއާގޭގައި ކުރިއަށްދިޔަ އެ ބައްދަލުވުމުގައި މާލޭގެ ބޮޑެތި ހުރިހާ ސްކޫލެއްގެ ޕްރިންސިޕަލުންވަނީ ބައިވެރިވެފައެވެ. އަދި މެޑަމް ވަނީ ކޮންމެ ޕްރިންސިޕަލަކާއިވެސް ވަކިން ބައްދަލުކޮށް، އެ ޕްރިންސިޕަލަކު ނިސްބަތްވާ ސްކޫލުގެ ހާލު އޮލުންފިލުއްވާފައެވެ.
ފަސްޓްލޭޑީގެ އޮފީހުން ބުނީ މެޑަމްގެ އެ ބައްދަލުވުމަކީ ދިރާސީ އައު އަހަރު ފެށެން ގާތްވެފައިވާތީ ކޮންމެ ސްކޫލަކަށްވެސް ކުރިމަތިވެފައިވާ ގޮންޖެހުންތައް އޮޅުންފިލުވުމަށް ބޭއްވި ބައްދަލުވުމެއް ކަމަށެވެ. އަދި ސްކޫލުތަކުގެ ޕްރިންސިޕަލުންގެ ފަރާތުން ހުށައެޅި ތަފާތު ކަންކަން ހައްލުކޮށްދެއްވާނެ ކަމުގެ ޔަގީންކަން އެ ކަމަނާ ދެއްވައިފައިވާކަމަށް ފަސްޓް ލޭޑީ އޮފީހުން ވަނީ ބުނެފައެވެ.
މި އަހަރުގެ ދިރާސީ އައު އަހަރު ފަށާނީ އަންނަ އާދިއްތަ ދުވަހުއެވެ.