07 Jan 2018, 21:33
އާޓް ސްޓޫޑިއޯއެއްގެ ތެރޭގައި އަންހެން ކުއްޖަކު ރޭޕްކުރި ކަމަށް ތުހުމަތު ކުރެވޭ މީހާގެ ބަންދަށް ތިނަދޫ މެޖިސްޓްރޭޓް ކޯޓުން 15 ދުވަސް ޖަހައިފިއެވެ.
ފުލުހުން ވަނީ އެކަން "ސަން"އަށް ކަށަވަރުކޮށްދެއްވާފައެވެ.
އެނގިފައިވާ ގޮތުގައި އެ މައްސަލައާ ގުޅިގެން ހައްޔަރު ކޮށްފައިވަނީ ފުޅާ ދާއިރާއެއްގައި ކުރެހުމުގެ މަސައްކަތްކުރާ ހަސަން ފާއިޒް (ޖޭސަން) އެވެ.
އޭނާ ހައްޔަރުކޮށްފައިވަނީ ރޭ 11:05 އެހައިކަންހާއިރު ގދ. ތިނަދޫ ހުޅަނގުގޭގައި ހުއްޓައެވެ.
ޖޭސަން ވަނީ އޭނާ އެފަދަ އަމަލެއް ހިންގާފައިނުވާ ކަމަށާއި ފުލުހުންނަށް އެއްބާރުލުންދޭން ތައްޔާރަށް ހުރި ކަމަށް ބައެއް މީޑިއާތަކުގައި ބުނެފައެވެ.
ސުޓޫޑިއޯއެއްގައި 19 އަހަރުގެ އަންހެން ކުއްޖަކު ރޭޕްކުރި މައްސަލައެއް ފުލުހުން ބަލަން ފަށައިފައިވަނީ ހުކުރު ދުވަހުއެވެ.