24 Dec 2017, 09:09
ހެނދުނު ހޭލުމަކީ ބައެއް މީހުންނަށް ވަރަށް އުނދަގޫ ކަމެކެވެ. އެއަށް ވުރެ ބޮޑު ކަމަކަށް ވެފައި އޮންނަނީ އެނދުން ތެދުވެ ދުވަހުގެ މަސައްކަތަށް ފެށުމެވެ. ޚާއްސަކޮށް ވިއްސާރަ ދުވަހެއް ނަމަ މަސައްކަތަށް ނޫނީ ވަޒީފާ އަށް ސަލާމް ބުނެ، ރަޖާ ދަށަށް ވަދެ ތިބުމަކީ ބައެއް މީހުންގެ ކަށީގައި ހިފާފައިވާ، ކަނޑުވާލަން އުނދަގޫ އާދައެކެވެ.
ފޯނު އެލާމަށް ލައިގެން ނިދަން އޮށޯންނަނީ ފުރަތަމަ އެލާމާ އެކު ހޭލުމަށް ނިޔަތް ގަނެގެންނެވެ. ނަމަވެސް އެންމެ ފަހުން ކަން ނިމިފައި އޮންނަނީ ލައްކަ ފަހަރު "ސްނޫޒަށް" ފިތައިގެން ވެސް ހިތް އެދޭވަރަށް ނިދާލަން ނުލިބި ތެދުވަން ޖެހުމެވެ. ނޫނީ ސްނޫޒު އޯފް ކޮށްލުމަށް ފަހު އަނެއްފަރާތަށް އެނބުރެ އިތުރަށް ނިދައިލުމެވެ.
އެނދުން ތެދުވަން ބޭނުން ނުވިނަމަވެސް، މަޖުބޫރީ ހާލަތަކާ ޢެކު ތެދުވަން ޖެހޭ މީހުންނަށް ހައްލެއް އެބައޮތެވެ. ސައިކޮލަޖިސްޓު އަދި ސްލީޕް ތެރަޕިސްޓު ޑރ. ނާނިއާ ރަމްލަޚާން ވިދާޅުވާ ގޮތުގައި ނިދަން އޮށޯތުމުގެ ކުރިން މީހާގެ ދުވަސް ގެންދާނެ ގޮތުގެ ޕްލޭނެއް ރާވާލުމަކީ މުހިއްމު ކަމެކެވެ.
ފަތިސް ނަމާދަށް ހޭލުމަށް ނިޔަތް ގަނެގެން ނިދަން އޮށޯންނާށެވެ. ނަމާދުގެ ބަންގިއަށް ފޯނު އެލާމު ކުރެވިދާނެ އެވެ. އެގޮތަށް ނިޔަތް ގަނެގެން ނިދާ ނަމަ، ހޭލެވޭނެ އެވެ. އަޒުމަކާ އެކު އެނދުން ތެދުވެ ތާޒާވެލައިގެން ފަތިސް ނަމާދާ އެކު ދުވަސް ފަށާށެވެ.
އަމިއްލަ ނަފުސަށް ވިސްނައިދޭންވީ "ތިމާ އަށް ވާނެ" ކަމެވެ. ނިދީގެ މައްޗަށް ބާރު ފޯރުވައި ކަންނެތްކަން ކަނޑުވައިލުމަށް އަމިއްލަ އަށް މަސައްކަތް ކުރާށެވެ. އަމިއްލަ ނަފުސަށް އިތުބާރު ކުރުމަކީ މުހިއްމު ކަމެކެވެ.
ކުރިން ހޭލުމަށް ޓަކައި ނިދިި ހަމަކުރުމަކީ ވެސް މުހިއްމު ކަމެކެވެ. އަވަހަށް ނިދަން ބޭނުން ނަމަ ނިދާ ގަޑީގައި އިލެކްޓްރޯނިކް ޑިވައިސްތައް ބޭނުން ކުރުން މަދުކުރަން ޖެހެ އެވެ. ހާއްސަ ސަމާލުކަމެއް ދޭންވީ ނިދުމުގެ ބައި ގަޑިއެއް ހައިއިރު ކުރިން ފޯނާއި ޓެބްލެޓް އަދި ލެޕްޓޮޕް ފަދަ ޑިވައިސްތައް އެއްފަރާތް ކޮށްލުމަށް ފަހު ލޮލަށް އަރާމެއް ދިނުމަށެވެ.
އިންޑިޕެންޑެންޓް