07 Dec 2017, 11:37
ވޮންޑަ ވުމަން ފިލްމުގެ ލީޑް ތަރި ގަލް ގެޑޯގެ ޑްރީމް ޑެސްޓިނޭޝަން އަކީ ރާއްޖެ ކަމަށާއި، ރާއްޖޭގެ ދޮންވެލި ތުނޑިތަކުގައި ފައި ބީއްސާލަން ވަރަށް ބޭނުން ކަމަށް އޭނާގެ ގާތް މީހެއް ކަމަށްވާ ކޭޓް މެކް ކިނަން ބުނެފިއެވެ.
އެންބީސީގ ސަޓަޑޭ ނައިޓް ލައިވްގައި ބައިވެރިވި ކޭޓް، ގަލް އާ ބެހޭ ގޮތުން ވާހަކަ ދައްކަމުން ބުނީ ގަލްއަށް އަބަދުވެސް ގޮނޑުދޮށްތައް ކަމުދާ ކަމަށް އޭނާ ބުނާ ކަމަށެވެ.
"އޭނާ ބޭނުން ވޭ އޭނާގެ ދަރިންވެސް ރާއްޖޭގެ ގޮނޑުދޮށުގައި ދުވެލާ ހަދާ މަންޒަރު ބަލާލަން،" ރާއްޖޭގެ ނަން ފާހަގަކޮށް ކޭޓް ބުންޏެވެ.
ވޮންޑަ ވުމަންގެ ގޮތުގައި ގަލް ހަރަކާތްތެރިވާތާ ހަތަރު އަހަރު ވެފައިވާއިރު އިސްރާއީލަށް ނިސްބަތްވާ ގަލް ވަނީ "ޑޭޓް ނައިޓް" އަދި "ނައިޓް އެންޑް ޑޭ" ފަދަ ފިލްމުތަކުގައިވެސް ހަރަކާތްތެރިވެފައެވެ.
ގަލް އެންމެ ފުރަތަމަ ވޮންޑަ ވުމަންގެ ރޯލުން ފެނުނީ 2013 ވަނަ އަހަރު ނިކުތް "ބެޓް މޭން ވާސަވް ސުޕަމޭން" އިންނެވެ.