06 Dec 2017, 11:45
ދުނިޔޭގެ ނަން މަޝްހޫރު ޗެނަލް ބީބީސީ އިން ޝަޝީ ކަޕޫރުގެ މަަރުގެ ހަބަރުގެ ވީޑިއޯ ގެނެސްދިނުމުގައި އަމީތާބް ބައްޗަން އަދި ރިޝީ ކަޕޫރުގެ ވީޑިއޯ ގެނެސްދެވިފައިވާތީ އެ ޗެނަލުން މައާފަށް އެދިއްޖެއެވެ.
"ހަބަރު ތެރެއިން ގެނެސްދެވުނީ އަމީތާބް އަދި ރިޝީ ކަޕީރުގެ ވީޑިއޯ ކްލިޕެއް. އެކަމުގެ ސަބަބުން ވަރަށް ބޮޑެތި ފާޑުކިޔުންތައް ވެސް ލިބުނު. ބެލުންތެރިންގެ ކިބައިން އެކަމަށް ނިހާޔަތަށް މައާފަށް އެދެން،" ބީބީސީ އިން ބުންޏެވެ.
Hang on@bbcnewsShashi Kapoor has died not Amitabh Bachan or Rishi Kapoor, who you've weirdly used to illustrate the story.pic.twitter.com/48jo6DGjU6
— Media Diversified (@WritersofColour)December 4, 2017
އެ ވީޑިއޯ އާންމުވުމުގެ ސަބަބުން މުޅި ޓްވިޓާގައި ވެސް ދިޔައީ އެކަމަށް ފާޑުކިޔުންތައް އަމާޒުކުރަމުންނެވެ.
ޝަޝީކަޕޫރު -- ފޮޓޯ: ބީބީސީ
Lack of knowledge & research...if you dont know the news in and out dont telecast....reporting standards should be strict and punishable
— Swapna Kashyap (@SwapnaKashyap)December 5, 2017
އުމުރުން 79 އަހަރުގައި ޝަޝީ ކަޕޫރު މަރުވެފައިވަނީ ކިޑްނީ ފެއިލްވެ މުމްބާއީގެ ކޮކިލަބެން ދިރުބައި އަމްބާނީ ހޮސްޕިޓަލުގައި ފަރުވާ ދެމުން ދަނިކޮށެވެ.
ޝަޝީގެ އެންމެ ފާހަގަކޮށްލެވޭ ފިލްމްތަކުގެ ތެރޭގައި ކަބީކަބީ، ދީވާރު އަދި ތްރިޝޫލް ފަދަ ފިލްމްތައް ހިމެނެއެވެ.
ދެހާސް އެގާރަ ވަނަ އަހަރުގެ ތެރޭގައި ޝަޝީއަށް ވަނީ އިންޑިއާ ސަރުކާރުން ދޭ، ޕަދުމާ ބުޝަން އެވޯޑު ލިބިފައެވެ. އަދި 2015 ވަނަ އަހަރުގެ ތެރޭގައި އޭނާ ވަނީ، ދާދާސާހެބް ފަލްކޭ އެވޯޑްހޯދައިފައެވެ.