01 Dec 2017, 11:12
މަގުމަތީގައި ހިނގި މާރާމާރީއެއްގައި ސައުދީ ޕްރިންސަކު އާންމުންގެ ބަޔަކަށް ބަޑިން ބިރުދައްކާ އިންޒާރުދޭ ވީޑިއޯއެއް ސޯޝަލްމީޑިއާގައި އާންމުވެއްޖެއެވެ.
އެ ވީޑިއޯގައި ފެންނަނީ ސައުދީގެ ޕްރިންސެއް ކަމަށްވާ ބިން ތަލާލް އަބްދުލް އަޒީޒް ސައުދީގެ ވެރިރަށް ރިޔާދުގައި ހުރި ސްކޫލެއްގެ ކުރިމަތީގައި ބަޔަކަށް އިންޒާރުދޭން ހުންނަތަން ކަމަށް ސައުދީގެ މީޑިއާ އަލް އަރަބް އިން ބުންޏެވެ.
އޭނާއަކީ ސައުދީގެ ބިލިއަނަރު އަދި ޕްރިންސް އަލް ވަލީދު ބިން ތަލާލް އަށް ބޮޑުބޭބެ ކިޔާ ބޭފުޅެެކެވެ. ކޮރަޕްޝަނުގެ ތުހުމަތުގައި ވަލީދު ހުންނެވީ މިހާރުވެސް ހައްޔަރުގައެވެ.
ސައުދީގެ ގިނަބަޔަކު އެ ހާދިސާ ކުށްވެރިކޮށްފައިވާއިރު ސައުދީގެ ސަރުކާރުން މިހާރު ވަނީ މަޝްހޫރު ހައްޔަރުކޮށްފައެވެ.
ރިޔާދުގެ ފުލުހުންގެ ސްޕޯކްސްޕާސަން ޖެނެރަލް ފަވާޒް އަލް މީމަން ވިދާޅުވީ އެ މާރާމާރިގައި ބައިވެރިވި ސައުދީގެ ހަތަރު މީހަކާއި އަދި ސޫދާނުގެ މީހަކު ވެސް އެ މައްސަލައިގައި ހައްޔަރުކޮށްފައިވާ ކަމަށެވެ.