01 Dec 2017, 11:06
ޗެޓް ކުރުމަށް ދުނިޔޭގެ ގިނަބަޔަކު ބޭނުންކުރާ ވަޓްސްއެޕުން ޔޫޓިއުބް ވީޑިއޯ ބެލޭނެ އާ ފީޗާއެއް ތައާރަފްކޮށްފިއެވެ
ކުރިން ވަޓްްސްއެޕްއަށް އިން ޗެޓުކުރަމުންދާއިރު ޔޫޓިއުބް ލިންކެއް ލިބިއްޖެނަމަ އެ ވީޑިއޯ ބަލަން ޔޫޓިއުބު އެޕަށް ވަކިން ވަންނަން ޖެހުނު ނަމަވެސް އަލަށް ތައާރަފްކުރި ފީޗާއާއެކު ސީދާ ވަޓްސްއެޕުން ވީޑިއޯ ބެލޭނެއެވެ.
އަލަށް ތައާރްފްކުރި ފީޗާއާއެކު އިތުރު ލުއި ފަސޭހަތަކެއްވެސް ލިބިގެންދާނެއެވެ، އެގޮތުން ވީޑިއޯ ބަލަމުންދާއިރު ވީޑިއޯ ނުހައްޓައި ޗެޓް ވެސް ކުރެވޭނެއެވެ. އޭގެއިތުރުން ވޮއިސްކްލިޕްތައް ރެކޯޑް ކުރާއިރު ނިމެންދެން ކުރިން އިނގިލިން ހިފަހައްޓައިގެން ހުންނަން ޖެހުނު ކަމުގައި ވިޔަސް އަލަށް ތައާރަފްކުރި ފީޗާއާއެކު އެކަންވެސް ނިމިގެން ދާނެއެވެ.
ވަޓްސްއެޕުން އަލަށް ތައާރްފްކުރި އަޕްޑޭޓްސްތައް އަދި ލިބެނީ ހަމައެކަނި އައިއޯއެސް ބޭނުންކުރާ ފަރާތްތަކަށެވެ. ނަމަވެސް ކުރިއަށް އޮތް ތަނުގައި އެފީޗާތައް އެންރޮއިޑަށްވެސް އަންނާނެ ކަމަށް ވަޓްސްއެޕުން ބުންޏެވެ.