26 Nov 2017, 10:27

ޖަޕާނުގެ ޕާލިމެންޓްރީ ވައިސް މިނިސްޓަރު ފޯ ފޮރިން އެފެއާޒް ހިޒް އެކްސެލެންސީ މިސްޓާ އިވާއޯ ހޯރީ ރާއްޖެ ވަޑައިގެންފި އެވެ.

އެމަނިކުފާނަށް ވެލާނާ އިންޓަނޭޝަނަލް އެއާޕޯޓުން މަރުހަބާ ދެންނެވީ ފޮރިން ސެކްރެޓަރީ އަހުމަދު ސަރީރުގެ އިތުރުން ފޮރިން މިނިސްޓްރީގެ ޑިރެކްޓަރު އަހުމަދު ފަޒީލް އެވެ.

މި ދަތުރުފުޅަކީ ރާއްޖެ އާއި ޖަޕާނާ ދެމެދު ހާރިޖީ ގުޅުން ގާއިމް ކުރިތާ 50 އަހަރު ފުރުން ފާހަގަ ކުރުމުގެ ގޮތުން ކުރައްވާ ދަތުރުފުޅެކެވެ.

ރާއްޖޭގެ ފޮރިން މިނިސްޓަރު ޑރ. މުހައްމަދު އާސިމް ވެސް ދާދިފަހުން ވަނީ ރާއްޖެ އާއި ޖަޕާނާ ދެމެދު ހާރިޖީ ގުޅުން ގާއިމް ކުރިތާ 50 އަހަރު ފުރުން ފާހަގަ ކުރުމުގެ ގޮތުންނާ ދެ ގައުމުގެ ގުޅުން އިތުރަށް ވަރުގަދަ ކުރުމުގެ ގޮތުން ޖަޕާނަށް ރަސްމީ ދަތުރުފުޅެއް ކުރައްވައިފަ އެވެ.