16 Nov 2017, 13:34
މަޝްހޫރު ބަތަލާ ސްރީދޭވީގެ ދޮށީ ދަރިފުޅު ޖާންވީ ކަޕޫރު އަދި ޝާހިދު ކަޕޫރުގެ އެއްބަނޑު ކޮއްކޮ، އިޝާން ކައްތަރާ ބޮލީވުޑަށް ތައާރަފްވާ ފިލްމުގެ ނަމަކަށް 'ދަޅަކް' ހަމަޖައްސައިފިއެވެ.
ކަރަން ކުރި ޓްވީޓެއްގައި ބުނީ އަންނަ މަހު ފިލްމްގެ ޝޫޓިންގެ ފެށުމަށް ހަމަޖެހިފައިވާއިރު ފިލްމް ރިލީޒުކުރަން ހަމަޖެހިފައި ވަނީ އަންނަ ޖުލައި މަހުގެ ހަ ވަނަ ދުވަހުގައެވެ.
From the creator of the Dulhania series@ShashankKhaitancomes his next#Dhadakwelcome to the movies Janhavi and Ishaan@karanjohar@apoorvamehta18pic.twitter.com/DHZPjhhFDo
— Varun Dhawan (@Varun_dvn)November 15, 2017
ޓްވީޓުގައި ތިން ޕޯސްޓަރެއް އާންމުކޮށްފައިވާއިރު އެ ފިލްމަކީ ލޯބީގެ ފިލްމެއްކަން ވެސް އެނގިގެންދެއެވެ.
"ސައިރަތް" ބިނާކޮށްފައި ވަނީ މަހަރާޝްތްރަގައި ހިނގި ލޯބީގެ ހާދިސާއަކަށް ނަމަވެސް "ދަޅަކް"ގައި ފެނިގެންދާ ލޯބިގެ ވާހަކަ ނިސްބަތް ވަނީ ރާޖަސްތާނަށެވެ.
ދަރްމާ ޕްރޮޑަކްޝަނާއި ޒީ ސްޓޫޑިއޯ ގުޅިގެން އުފައްދާ އެ ފިިލްމްގެ ވާހަކައަކީ ރާޖަސްތާނުގައި އޮންނަ ގްރޫޕްތަކަށް ނިސްބަތްވާ ސިޔާސީ ޕާޓީތަކުގެ ހަލަބޮލިކަމާއި އާއިލާގެ ނަމަށް ހުތުރު ކަމެއް ގެންނަ ފަދަ އަމަލެއް ކުރުމުން މަރާލުން އެ މުޖުތަމައުގެ ތެރޭގައި އޮންނަ ގޮތުގެ ވާހަކަ އެވެ.
Presenting JANHVI in#धड़कReleasing 6th July 2018
But her debut on Instagram is today!https://t.co/mzVGR9GYU1@ShashankKhaitan@apoorvamehta18@ZeeStudios_@DharmaMoviespic.twitter.com/cEDZBs6zid— Karan Johar (@karanjohar)November 15, 2017
މީގެ ކުރިން ވެސް ކަރަން ވަނީ ބޮލީވުޑަށް އެތަކެއް ތަރިންތަކެއް ތައާރަފްކޮށްފައެވެ. އެގޮތުން މިހާރު ބޮލީވުޑުގައި އެންމެ ގަދަޔަށް ފިޔަ ޖަހަމުން އަންނަ ޒުވާން ތިން ތަރިން ކަމަށްވާ ވަރުން ދަވަން އާއި އާލިއާ ބަޓް އަދި ސިދާތް މަލްހޯތުރާ އަކީ ވެސް ކަރަންގެ އިސް ނެގުމަކުން ބޮލީވުޑަށް ނެރުނު ތިން އެކްޓަރުންނެވެ.