13 Nov 2017, 09:10
ބަދިގޭގައި އާންމުކޮށް ބޭނުންކޮށްއުޅޭ ބައެއް ބާވަތްތަކަކީ ގައިގެ އަދި މޫނުގެ ހަންގަނޑަށް ފަރުވާކޮށް ޒީނަތްތެރިވުމުގައި ބޭނުން ކުރެވޭނެ އެއްޗެހިކަން އެނގޭހެއްޔެވެ؟ ބޮޑެތި ހަރަދުތައް ކޮށްގެން ގަންނަ ކޮސްމެޓިކްސް އަށްވުރެ ކެމިކަލް އެކުނުލެވޭ، ގުދުރަތީ ބާވަތްތަކުން ހަންގަނޑަށް ގެނެސްދޭ އާރޯކަން ތާޒާވާނެއެވެ.
ލުނބޯ:
ލުނބޯ ފަޅިއެއް މޫނުގައި އުނގުޅާށެވެ. ބްލެކް ހެޑްސްތައް ފިލައި މޫނު މަޑުވެ، އަލިވާނެއެވެ.- އޮލިވްއޮއިލް:މޭކަޕް ރިމޫވާއެއްގެ ގޮތުގައި އޮލިވް އޮއިލް ބޭނުން ކުރެވިދާނެއެވެ. ކަފަ ކޮޅެއްގައި ތެޔޮފޮދެއް ލުމަށްފަހު މޫނުގައި އުނގުޅާށެވެ. ދެ މިނެޓް ވަރު ފަހުން ތާފަނާ ފެން ފޮދަކުން މޫނު ދޮންނާނީއެވެ. ކުޑަ ތުވާލިކޮޅެއް ތެންމާލުމަށްފަހު މޫނުގައި އުފުޅުންވެސް އެންމެ ރަނގަޅެވެ.
- އޯޓްސް: މޫނުގައި އުނގުޅަން ރަނގަޅު ސްކްރަބްއެއް ތައްޔާރުކުރަން އޯޓްސް ބޭނުން ކުރާށެވެ. ރާޅުކޮށް މުގުރާލުމަށްފަހު މޫނުގައި އުނގުޅާށެވެ.
- ޔޯގަޓް:ފޭސް މާސްކެއްގެ ގޮތުގައި ޔޯގަޓް ބޭނުން ކުރެވިދާނެއެވެ. މޫނު ތާޒާކޮށް ހަންގަނޑު އޮމާންކޮށްދޭނެއެވެ.
- މާމުއި:މިއީވެސް ފޭސް މާސްކެއްގެ ގޮތުގައި ބޭނުން ކުރަން ރަނގަޅު އެއްޗެކެވެ. ކުޑަ ލުނބޯ ހުތް ފޮދަކާއެކު ނޫނީ ހުސް މާމުއި މޫނުގައި އުނގުޅާށެވެ.
- ބިސް:މިވެސް ފޭޝަލް އެއް ހަދަން ބޭނުން ކުރެވޭނެ އެއްޗެކެވެ. އެގް ވައިޓް ނޫނީ ބިހުގެ ހުދުބައި ގިރާލާށެވެ. މޫނުގައި އުނގުޅުމުން ހަންގަނޑަށް ތާޒާކަން ގެނެސްދީ އުޖާލާވާނެއެވެ. ބިހުގެ ގޮބޮޅިއަކީވެސް މޫނުގައި އުނގުޅަން ރަނގަޅު އެއްޗެކެވެ.
- ހަކުރު:ހަކުރު ބޭނުން ކޮށްގެން މޫނު ސްކްރަބް ކުރާށެވެ. މޫނުގެ ހަންގަނޑު މަޑުވެ ތާޒާވާނެއެވެ.
މަސްދަރު:ހެލްތްޑައިޖެސްޓް