09 Oct 2017, 20:27
އަށާރަ މީހުންނާއެކު ދަތުރުކުރަމުން ދިޔަ ލޯންޗެއް ކ. މާފުއްޓާއި އަނަންތަރާއާ ދެމެދަށް އަޑިއަށް ދާތީ ފުލުހުން ހަރަކާތްތެރިވާން ފަށައިފި އެވެ.
އެމްއެންޑީއެފްގެ ކޯސްޓްގާޑުންވެސް ދަނީ އެސަރަހައްދުގައި ހަރަކާތްތެރިވަމުންނެވެ.
އެމްއެންޑީއެފުން ބުނީ އަޑިއަށް ދަނީ ކ ގުރައިދޫއިން ފުރައިގެން ވެލައްސަރު ރިސޯޓަށް ދަތުރުކުރި ލޯންޗެއް ކަމަށެވެ. ލޯންޗުގައި 18 ދިވެހިން ތިބިކަމަށްވެސް އެމްއެންޑީއެފުން ބުންޏެވެ.
ލޯންޗް އަޑިއަށްދަނީ ކ. މާފުށީ ކައިރީ ތިލަޔަކަށް އަރައިގެން ކަމަށް އެމްއެންޑީއެފުން ބުންޏެވެ.