03 Oct 2017, 19:45
އެސޯސިއޭޝަން އޮފް ސާކް ސްޕީކާސް އެންޑް ޕާލިމެންޓޭރިއަންސްގެ އަށް ވަނަ ކޮންފަރެންސްގައި ބައިވެރިވެ ވަޑައިގަތުމަށް މަޖިލީހުގެ ރައީސް އަބްދުﷲ މަސީހު މުހައްމަދު ސްރީލަންކާއަށް ވަޑައިގެންފި އެވެ.
އިއްޔެއިން ފެށިގެން މިމަހުގެ ހަތްވަ ދުވަހާ ހަމައަށް ބާއްވާ އެ ކޮންފަރެންސްގައި ސާކް ގައުމުތަކުގައ މަޖިލީހުގެ ރައީސުންނާއި ބައެއް މަޖިލިސް މެމްބަރުން ބައިވެރިވެ ވަޑައިގަންނަވަ އެވެ.
މަސީހުގެ އިތުރުން ރާއްޖޭން ކޮންފަރެންސްއަށް ވަޑައިގެން މަޖިލިސް މެމްބަރުންގެ ތެރޭގައި ކުޑަހުވަދޫ ދާއިރާގެ މެމްބަރު އަހުމަދު އާމިރާއި މާފަންނު މެދު ދާއިރާގެ މެމްބަރު އަސްމާ ރަޝީދާއި މާފަންނު ދެކުނު ދާއިރާގެ މެމްބަރު އަބްދުﷲ ރިފާއު އާއި މަޖިލީހުގެ އަމީން އާންމް އަހުމަދު މުހައްމަދުގެ އިތުރުން މަޖިލިސް އަމީން އާންމްގެ ނައިބު އަބްދުލް ހަމީދު ޒަކަރިއްޔާ ބައިވެރިވެ ވަޑައިގަންނަވަ އެވެ.
އެބޭފުޅުންނަށް ލަންކާ އެއާޕޯޓުން މަރުހަބާ ދެންނެވީ ލަންކާ ޕާލިމެޓް މެމްބަރު އެޑްވާޑް ގުނަސޭކަރަ އާއި ރާޖެއިން ސްރީލަންކާއަށް ކަނޑައަޅުއްވާފައި ހުންނަވާ ސަފީރުގެ އިތުރުން ސްރީލަންކާ މަޖިލީހުގެ އިސް ބޭފުޅުންނެވެ.
ލަންކާގެ ބޮޑުވަޒީރު މަތިރިޕާލާ ސިރިސޭނާ ވަނީ ސާކް ގައުމުތަކުގެ މަޖިލީހުގެ ރައީސުންނާ ބައްދަލު ކުރައްވާފަ އެވެ.