އަނަސްގެ މަރާގުޅިގެން ހޯދަމުންދިޔަ ސާޒް ހައްޔަރުކޮށްފި

27 Sep 2017, 18:55

މިދިޔަ ޖުލައި މަހުގެ 31 ވަނަ ދުވަހުގެ ރޭ ލިޓަސް ސާވިސް ސެންޓަރުގެ ތެރޭގައި ވަޅިން ހަމަލާދީ ރ. މީދޫ ފެންފިޔާޒުގޭ މުހައްމަދު އަނަސް މަރާލި މައްސަލައާ ގުޅިގެން ހޯދަން އިއުލާން ކުރި ދެ މީހުންގެ ތެރެއިން ތ. ކިނބިދޫ، ގުލްފާމުގޭ މުހައްމަދު ސާޒް،21، ހައްޔަރުކޮށްފި އެވެ.

"ސަން"އަށް އެނގިފައިވާ ގޮތުގައި ސާޒް ހައްޔަރުކުރީ މިއަދުގެ ވަގުތެއްގަ އެވެ. އިތުރު ތަފްސީލެއް އަދި ނުލިބެއެވެ.

އެ މައްސަލައާ ގުޅިގެން ހޯދަން އިއުލާންކުރި ދެ ވަނަ މީހަކީ މ. ލޮނުމިދިލިގެ އުމުރުން 21 އަހަރުގެ އަފްރާހް ޢަބްދުއްރައްޒާޤް އެވެ.

ފުލުހުން ބުނީ އަފްރާހްއާ ބެހޭ އެއްވެސް މައުލޫމާތެއް ލިބިފައިވާނަމަ މޯލްޑިވްސް ޕޮލިސް ސާވިސްގެ ސީރިއަސް އެންޑް އޮގަނައިޒް ކްރައިމް ޑިޕާޓްމަންޓްގެ ޑިއުޓީ ނަމްބަރު 9911099 އަށް ގުޅުއްވައި މައުލޫމާތު ހިއްސާކުރުމަށް އެދޭ ކަމަށެވެ.