13 Sep 2017, 11:51
މާލެއާއި ހުޅުލެއާ ދެމެދު އަޅާ ބްރިޖާ އެކު ހުޅުލެއިން ހުޅުމާލެއަށް ދަތުރުކުރާ ހައިވޭ ހެދުމަށްޓަކައި ހިއްކަންޖެހޭ ސަރަހައްދު ފާހަގަ ކުރުމަށް ބަންޑް ވޯލް އަޅަން ފަށައިފި އެވެ.
އެ ސަރަހައްދުގެ މަސައްކަތް ހިނގަމުންދާ މަންޒަރު ފެންނަ ފޮޓޯ ތަކަކާ އެކު ހައުސިން މިނިސްޓަރު ޑރ. މުހައްމަދު މުއިއްޒު ވަނީ ޓްވީޓެއް ކުރައްވައިފަ އެވެ.
CMFB in feshigen Hulhumale ah gulhuvaaladhey highway hedhumahttakaa hikkanjehey sarahhadhu faahaga kurumah bundwall elhun kuriyah dhaneepic.twitter.com/nXnq8MaOXN
— Dr.Mohamed Muizzu (@MMuizzu)September 13, 2017
ހުޅުލެއާއި މާލެއާއި ދޭތެރޭ އަޅާ ބުރިޖާއި ހުޅުމާލެ ގުޅުވާލަދޭ މަގު ހެދުމަށް ހައުސިން މިނިސްޓްރީން ހަވާލުކޮށްފައި ވަނީ ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ) އެެވެ.
އެޗްޑީސީ އާ އެ މަސައްކަތް ހަވާލު ކުރުމަށް ބޭއްވި ރަސްމިއްޔާތުގައި މިނިސްޓަރު މުއިއްޒު ވިދާޅުވީ އެމަގުގެ މަސައްކަތް 2018 ވަނަ އަހަރުގެ އޭޕްރީލް މަހުގެ ނިޔަލަށް ނިންމާލެވޭނެ ކަމަށެވެ.