03 Sep 2017, 22:28
ރާއްޖޭގެ ވޮލީބޯޅަ ކުރިއެރުމަށް ގިނަ މަސައްކަތްތަކެއް ކުރަމުންގެންދާ ހުސައިން މުހައްމަދު، އޮލިމްޕިކް ސޮލިޑަރިޓީ ސްކޮލަޝިޕް ފުރިހަމަކޮށް ސްޕޯޓްސް އޯގަނައިޒޭޝަން މެނޭޖްމަންޓް މާސްޓާސް ސެޓްފިކެޓް ހާސިލްކޮށްފިއެވެ.
އެއް އަހަރު ދުވަހުގެ މުއްދަތަކަށް ކުރިއަށްދިޔަ އެ ކޯހުގެ ބައިތައް ބޮޓްސްވާނާއާއި ސްވިޒަލެންޑް އަދި ނެދަލެންޑްސް ކުރިއަށްދިޔައެވެ. ސެޓްފިކެޓާ ހުސައިން ހަވާލުވީ މިދިޔަ ހުކުރު ދުވަހު ސްވިޒަލެންޑުގައި ބޭއްވި ރަސްމިއްޔާތެއްގައެވެ.
ސްޕޯޓްސް އޯގަނައިޒޭޝަން މެނޭޖްމަންޓް މާސްޓާސް ސެޓްފިކެޓާ ހުސައިން ހަވާލުވަނީ ---
އެ ކޯހުގައި ބައިވެރިވި ކޮންމެ ބައިވެރިޔަކު ވެސް ދިރާސާއެއް ކުރަންޖެހެއެވެ. ހުސައިންގެ ދިރާސާ ބިނާކޮށްފައިވަނީ ރާއްޖޭގެ ސްކޫލް ދަރިވަރުން ކުޅިވަރަށް ހޭލުންތެރި ކުރުވުމަށް ކުރިމަތިވާ ގޮންޖެހުންތަކާ ގުޅޭގޮތުންނެވެ.
ހުސައިން އަކީ ވޮލީބޯޅަ ކުރިއެރުވުމަށްޓަކައި ކުރިން ވޮލީބޯޅަ އެސޯސިއޭޝަން އޮފް މޯލްޑިވްސް (ވީއޭއެމް)ގެ ޖެނެރަލް ސެކްރެޓަރީގެ ހައިސިއްޔަތުން ގިނަގުނަ މަސައްކަތްތަކެއް ކޮށްފައިވާ ފަރާތެކެވެ.